విశాఖలో అరుదైన నాగుపాము... పడగ మాత్రం బంగారు వర్ణం

Snake

విశాఖపట్నంలో అరుదైన నాగుపాము కనిపించింది. యారాడ నేవీ ఉద్యోగుల క్వార్టర్స్‌లో పాము పడగ మొత్తం బంగారు వర్ణంలో గల పామును గుర్తించారు. ఓ ఉద్యోగి కార్ షెడ్‌లో ఈ పాము కనిపించింది. 

కారు బయటకు తీస్తున్న సమయంలో ఈ పామును చూసిన సదరు ఉద్యోగి స్నేక్ క్యాచర్ నాగరాజుకు ఫోన్‌లో సమాచారం అందించారు. వెంటనే అక్కడికి చేరుకున్న నాగరాజు ఈ పామును బంధించారు.

పడగకు ముందు వెనుక మాత్రమే బంగారు వర్ణంలో, మిగతా భాగం మొత్తం సాధారణంగా ఉండడం విశేషం. ఈ అరుదైన పామును స్థానికులు ఆసక్తిగా తిలకించారు. అనంతరం స్నేక్ క్యాచర్ నాగరాజు ఈ పామును జనావాసాలకు దూరంగా వదిలిపెట్టారు.