ఇంకో పది తిట్టే రకాలు వీళ్ళు... అంత తేలిక‌గా సారీ చెపుతారా?

సినిమా వాళ్లు బ‌లిసి కొట్టుకుంటున్నార‌ని వైసీపీ ఎమ్మెల్యే న‌ల్ల‌పురెడ్డి ప్ర‌స‌న్న‌కుమార్ రెడ్డి అన్న మాట‌ల‌ను ఫిలిం ఛాంబ‌ర్ ప్ర‌తినిధి, నిర్మాత ఎన్.వి.ప్ర‌సాద్ ఖండించారు. వైఎస్సార్సీపీ ఎమ్మెల్యే సినిమా వాళ్ల మీద వాడిన పరుష పదజాలాన్ని వెనక్కి తీసుకోవాల‌ని డిమాండు చేశారు. 

వైసీపీ వాళ్లు వెనక్కి తీసుకోవటం కాదు, ఇంకో పది తిట్టే రకాలు‼️ ఏపీ లో ఉద్యమాలు - అరెస్టులు - కోర్టులు - ఉద్యమాలు...ఈ ఆర్డర్ లో వెళ్తే తప్ప ప్రయోజనం లేద‌ని ఎన్వీ ప్ర‌సాద్ పెద‌వి విరిచారు. టీడీపీ కార్యకర్తలు, నాయకులు రెండున్నర్ర సంవత్సరాల నుంచి ఎన్నో కష్టాలు, నష్టాలు, అవమానాలు, అరెస్టులు, దాడులు, చావులు ఎదుర్కొంటూ పోరాటాలు చేస్తున్నార‌ని అన్నారు.

సినిమా వాళ్లు వీటిల్లో 0.01% కూడా చెయ్యకుండా వైఎస్సార్సీపీ ప్రభుత్వం వారు సారీలు చెప్తారు అనుకుంటే, మీరు ఏపీలో కన్నా హైదరాబాద్ ఏసీ గదుల్లో ఉండటమే కరెక్ట్ అని ఎద్దేవా చేశారు. విజ‌య‌వాడ‌లో ఫిలిం ఛాంబ‌ర్లో నిర్మాత‌లంతా స‌మావేశం అయిన‌పుడు ఎన్వీ ప్ర‌సాద్ ఈ వ్యాఖ్య‌లు చేశారు.