బద్వేల్ ఉప ఎన్నికలో వైఎస్ఆర్ కాంగ్రెస్ దే ఘన విజయం: సజ్జల రామకృష్ణా రెడ్డి

బ‌ద్వేలు ఉప ఎన్నికకు సంబంధించి వైయ‌స్ఆర్ కాంగ్రెస్ పార్టీ పోస్టర్ల‌ను పార్టీ రాష్ట్ర ప్ర‌ధాన కార్య‌ద‌ర్శి స‌జ్జ‌ల రామ‌కృష్ణా రెడ్డి విడుద‌ల చేశారు. బ‌ద్వేలు ఉప ఎన్నికలో వైయ‌స్ఆర్ కాంగ్రెస్ పార్టీ అభ్య‌ర్ధి డా|| సుధా ఘ‌న విజ‌యం సాధించ‌బోతోందని ఆయ‌న అన్నారు. ముఖ్య‌మంత్రి వైయ‌స్ జ‌గ‌న్ కుల‌, మ‌త‌, ప్రాంతాల‌కు అతీతంగా రాష్ట్రాన్ని అభివృద్ధి ప‌థంలో తీసుకు వెళ్తున్నార‌ని తెలిపారు. బీసీ, య‌స్‌సి, య‌స్‌టీ, మైనారిటీలు, మ‌హిళలకు అన్ని రంగాల‌లో పెద్ద‌పీట వేశార‌ని అన్నారు.

ప్ర‌జ‌లంతా ఈ ఉప ఎన్నిక‌లో పూర్తి స్థాయిలో వైయ‌స్ఆర్ కాంగ్రెస్ పార్టీకి, ముఖ్య‌మంత్రి వైయ‌స్ జ‌గ‌న్‌కు మ‌ద్ద‌తు ప్ర‌క‌టించ‌నున్నారని వివ‌రించారు. కార్య‌క్ర‌మంలో ఉత్త‌ర అమెరికాలో ఆంధ్ర‌ప్ర‌దేశ్ ప్ర‌భుత్వ ప్ర‌తినిధి  పండుగాయ‌ల ర‌త్నాక‌ర్, న‌వర‌త్నాల ఎగ్జిక్యూటివ్ ఛైర్మ‌న్ నారాయ‌ణ మూర్తి, గుంటూరు న‌గ‌ర మేయ‌ర్  కావ‌టి మ‌నోహ‌ర్ నాయుడు, డిప్యూటీ మేయ‌ర్ బాల వ‌జ్ర‌బాబు, పార్టీ నేత ప‌డ‌మ‌ట సురేష్ బాబు, త‌దిత‌రులు పాల్గొన్నారు.