ఎంపిగా బుట్టారేణుక సుపరిచితమే. కర్నూలు జిల్లా రాజకీయాల్లో ఈమెకు ప్రత్యేకత ఉంది. ఎంపిగా ఉన్న సమయంలో వరద కారణంగా ఎన్నో రకాల ఇబ్బందులు పడుతున్న స్థానికులకు ఆమె అండగా నిలిచారు.
వైసిపిలో ఉన్నా సరే ప్రస్తుతం దూరంగా ఉంటున్నారు. పెద్దగా జనాల్లోకి వెళ్ళడం లేదు. అయితే కర్నూలుజిల్లా ఎమ్మిగనూరు నియోజకవర్గం నుంచి వైసిపి ఎమ్మెల్యే అభ్యర్థిగా బుట్టా రేణుక పోటీ చేస్తారన్న ప్రచారం పెద్ద ఎత్తున సాగుతోంది.
దీనిపై ఆమె క్లారిటీ ఇచ్చారు. ఎమ్మెల్యేగా ఎర్రకోట చెన్నకేశవరెడ్డి ప్రాతినిధ్యం వహిస్తున్నారు. ఆ తరువాత అతని కుమారుడు ఎర్రకోట జగన్మోహన్ రెడ్డిని నిలబెట్టే అవకాశాలున్నాయి. వయస్సు పైబడటంతో చెన్నకేశవరెడ్డి ఈ నిర్ణయం తీసుకునే అవకాశం ఉందని అందరూ భావిస్తున్న తరుణంలో బుట్టా రేణుక స్పందన అందరినీ ఆశ్చర్యానికి గురిచేస్తోంది.
రాజకీయాలు ఎప్పుడెలా మారుతుంటాయో తెలియదు. ఏ క్షణం ఏమైనా జరగవచ్చు. సిఎం ఆదేశిస్తే నేను ఎక్కడి నుంచైనా పోటీ చేయడానికి సిద్థంగా ఉన్నా. ప్రజలు నన్ను కర్నూలుజిల్లాలో పోటీ చేయమని కోరి..సిఎం అలా చేయమని ఆదేశిస్తే అదే చేస్తాను అంటోంది బుట్టా రేణుక.