నిశ్చితార్థమైన చెల్లెలిపై స్నేహితుడితో కలిసి అన్న అత్యాచారం

తల్లి-తండ్రి తరువాత అన్నదమ్ములే అక్కాచెల్లెళ్ళను కంటికి రెప్పలా కాపాడుకోవాలి. అయితే ఒక అన్న తన చెల్లెలిపై కన్నేశాడు. నిశ్చితార్థమైన చెల్లెలిపై అఘాయిత్యానికి పాల్పడ్డాడు. సొంత అన్నే అత్యాచారం చేయడంతో ఆ అభాగ్యురాలు తట్టుకోలేకపోయింది. తనువు చాలించింది.

కొత్తగూడెంజిల్లాలోని పాల్వంచకు చెందిన వెంకట్.. రాధమ్మ దంపతుల చిన్న కుమార్తె భూమికకు రెండురోజుల క్రితం నిశ్చితార్థమైంది. అయితే నిశ్చితార్థమైందన్న సంతోషం ఆమెకు రెండురోజులు కూడా మిగల్లేదు. అన్న రూపంలో ఆమె జీవితాన్ని కాటేసింది.

తల్లి రాధమ్మకు బిపి ఎక్కువ కావడంతో తండ్రి వెంకట్ ఆసుపత్రికి తీసుకెళ్ళాడు. చెల్లిని జాగ్రత్తగా చూసుకోమని రాంబాబుకు చెప్పి వెళ్ళాడు తండ్రి. అయితే తన స్నేహితుడితో కలిసి పీకల దాకా మద్యం సేవించి రాంబాబు ఇంటికి వచ్చాడు.  

నిద్రిస్తున్న చెల్లెలిపై అత్యాచారం చేశాడు. అరవకుండా గుడ్డలను నోటిలో కుక్కాడు. తన స్నేహితుడు కూడా ఆమెపై అత్యాచారం చేశాడు. ఆ తరువాత ఇంటి నుంచి ఇద్దరూ పరారయ్యారు. సొంత అన్న అలా చేయడంతో ఆ అభాగ్యురాలు జీర్ణించుకోలేకపోయింది. ఆత్మహత్యకు పాల్పడింది. పోలీసుల విచారణలో ఆమె అత్యాచారానికి గురైనట్లు తేలింది. దీంతో నిందితుల కోసం పోలీసులు గాలిస్తున్నారు.