గత 30 ఏళ్లలో అత్యధికం.. విజయవాడ నగరంలో రికార్డ్ స్థాయిలో వర్షపాతం

Vijayawada

గత రెండు రోజులుగా కురుస్తున్న భారీ వర్షాలకు విజయవాడ అతలాకుతలమైంది. నగరంలో రికార్డు స్థాయిలో 29 సెం.మీ వర్షపాతం నమోదైంది. ఇది గత 30 ఏళ్లలో అత్యధికం. ఈ రెండు రోజులుగా ఎడతెరిపి లేకుండా కురుస్తున్న వర్షాల కారణంగా నగరంలోని వివిధ ప్రాంతాలలో వరద నీరు చేరిపోయాయి. కొన్ని ప్రాంతాలలో 4 అడుగుల వరకు నీటి మట్టాలున్నాయి. 

నగరంలో ముఖ్యంగా ఆటో నగర్, బెంజ్ సర్కిల్ మధ్య రవాణా సమస్యాత్మకంగా మారింది. విజయవాడ శివార్లలోని కండ్రింగ సమీపంలో హైవేపైకి నీరు వచ్చింది. దీంతో విజయవాడ-నూజివీడు మధ్య ప్రజలకు రాకపోకలకు ఇబ్బందిగా మారింది. 

విజయవాడ-హైదరాబాద్ మధ్య జాతీయ రహదారిపై కూడా బస్ స్టేషన్లు నీటితో నిండిపోయాయి. దీంతో రెండు నగరాల మధ్య బస్సు సర్వీసులను తాత్కాలికంగా నిలిపివేశారు. ముఖ్యమంత్రి చంద్రబాబు నాయుడు పరిస్థితిని అంచనా వేసి తక్షణమే సహాయక చర్యలు చేపట్టాలని అధికారులను ఆదేశించారు.