ప్రింటర్‌ను ఎత్తిపడేసిన జేసీ.. ఫ్లైట్‌లోకి అడుగుపెట్టనీయమంటున్న విమాన సంస్థలు...

ఎయిర్‌పోర్టులో పనిచేసే సిబ్బందిని.. ఎయిర్ హోస్టెస్‌ను చూస్తే వీళ్లెంత లక్కీ.. హ్యాపీగా భలే ఎంజాయ్ చేస్తున్నారు అనుకుంటాం. కానీ, విమానయాన సిబ్బందికి తమ పైఅధికారుల నుంచి కంటే రాజకీయ నేతల నుంచే ముప్పు అధ

ఎయిర్‌పోర్టులో పనిచేసే సిబ్బందిని.. ఎయిర్ హోస్టెస్‌ను చూస్తే వీళ్లెంత లక్కీ.. హ్యాపీగా భలే ఎంజాయ్ చేస్తున్నారు అనుకుంటాం. కానీ, విమానయాన సిబ్బందికి తమ పైఅధికారుల నుంచి కంటే రాజకీయ నేతల నుంచే ముప్పు అధికంగా ఉన్నట్టు తెలుస్తోంది. ఇందుకు ఇటీవలి కాలంలో వరుసగా జరుగుతన్న సంఘటనలే నిదర్శనంగా చెప్పుకోవచ్చు. 

మొన్నటికి మొన్న శివసేన ఎంపీ సీటు విషయంలో ఓవరాక్షన్ చేసి కొన్నాళ్లు విమానయాన సంస్థల నిషేధాన్ని ఎదుర్కొన్నారు. మేమేమన్న తక్కువా అనుకున్నారేమో తెలుగుదేశం పార్టీకి చెందిన అనంతపురం ఎంపీ జేసీ దివాకర్‌రెడ్డి వైజాగ్ ఎయిర్‌పోర్టులో తన విశ్వరూపాన్ని చూపించారు. తాను ఎయిర్‌పోర్టుకి రావడం కాస్త లేటవుతుందని ఫోన్ చేసి అధికారులకు చెప్పినా టైం అయిపోయిందని.. బోర్డింగ్ పాస్ ఇవ్వడం కుదరదని అధికారులు చెప్పడంతో జేసీకి కోపం వచ్చిందట. అప్పటికే చెకిన్ అయిపోవడంతో తర్వాత ఫ్లయిట్‌లో పంపిస్తామని ఇండిగో సిబ్బంది చెప్పడంతో జేసీకి చిర్రెత్తుకొచ్చింది. దాంతో దౌర్జన్యం చేశారు. ఆ విమానయాన సంస్థకు చెందిన టిక్కెట్ ప్రింటర్‌ను ఎత్తి కిందపడేశారు. దీన్ని సీరియస్‌గా పరిగణించిన విమానయాన సంస్థలు ఆయనపై వేటు వేస్తున్నాయి. 

సాధారణంగా నిబంధనల ప్రకారం 45 నిమిషాల కంటే ముందే రావాలి. ఫ్లయిట్ బయల్దేరే సమయానికి 45 నిమిషాల ముందే ప్రయాణికుల చెకిన్ పూర్తి చేయాలన్నది నిబంధన. కానీ జేసీ 28 నిమిషాల ముందు వచ్చారు. అప్పటికే చెకిన్ అయిపోవడంతో తర్వాత ఫ్లయిట్ లో పంపిస్తామని ఇండిగో సిబ్బంది చెప్పడంతో జేసీకి చిర్రెత్తుకొచ్చింది. దాంతో దౌర్జన్యం చేశారు. 

ఆయన ప్రవర్తనను ఖండిస్తూ ఇకపై తమ  విమానాల్లో ప్రయాణించేందుకు అనుమతించబోమని ఇండిగో స్పష్టం చేసింది. ఆ తర్వాత ఎయిర్ ఇండియా, జెట్ ఎయిర్‌వేస్, విస్తారా, స్పైస్ జెట్, ఎయిరేషియా, గో ఎయిర్ కూడా దివాకర్ రెడ్డిపై వేటు వేశాయి. దీంతో హీరో రాంచరణ్‌కు చెందిన ట్రూ జెట్ మినహా మొత్తం ఏడు విమానయాన సంస్థలు ఆయనపై చర్య తీసుకున్నట్టు అయింది.