కొంతమంది హాయిగా బెడ్‌‌పై పడుకుని నిద్రిస్తారు. మరికొందరు కూర్చున్న చోటే కునుకు తీస్తారు. అలా కూర్చున్న చోటే కునుకు తీసేవారు మీరైతే ఈ కథనం చదవాల్సిందే. అంతేగాకుండా బస్సు, రైలు ప్రయాణాల్లో సిట్టింగ్ పొజిషన్‌లో నిద్రిస్తుంటారు.
అయితే కూర్చున్న చోటే గాఢంగా నిద్రించడం ద్వారా కొన్ని అనారోగ్య సమస్యలు తప్పవని వైద్యులు హెచ్చరిస్తున్నారు. కూర్చున్న చోటే నిద్రించేవారికి వెన్నునొప్పి, మెడనొప్పి, భుజంలో అసౌకర్యం ఎదురవుతాయని వారు చెప్తున్నారు.
జంతువులు కూర్చోవడం లేదా నిలబడి నిద్రపోయే అలవాట్లను అవలంబిస్తాయి. కానీ మానవ శరీరం అలాంటి ప్రక్రియకు ఉపయోగించబడదు. కూర్చున్న స్థితిలో నిద్రపోవడం వల్ల కీళ్లకు ఎక్కువ నష్టం వాటిల్లుతుంది. అవి గట్టిగా కూడా మారవచ్చు.
దీనివల్ల రక్తం గడ్డకట్టే సమస్య 'వెయిన్ థ్రాంబోసిస్' వస్తుంది. అంటే శరీరంలో ఒకటి లేదా అంతకంటే ఎక్కువ సిరల్లో, సాధారణంగా కాళ్లలో రక్తం గడ్డకట్టడం ప్రారంభిస్తుంది.
ఇది కాళ్ళలో నొప్పి లేదా వాపును కలిగిస్తుంది. ఎక్కువసేపు కదలకుండా ఉండటం, అదే స్థితిలో కూర్చోవడం వల్ల వెన్నునొప్పి, శరీర నొప్పులు, భంగిమను ప్రభావితం చేస్తాయి. కదలకుండా ఉండడం వల్ల కీళ్లు గట్టిపడతాయి.
రక్తం గడ్డకట్టడంలో భాగంగా ఊపిరితిత్తులకు లేదా మెదడుకు రక్త ప్రసరణలో సమస్యలు తీవ్రమైన ముప్పును కలిగిస్తాయి. రక్తం గడ్డకట్టడం వల్ల ప్రతిరోజూ 20 మందికి పైగా మరణిస్తున్నారు. కాలి కండరాలు, చీలమండ లేదా పాదం వాపు, గాయాలు, చర్మం ఎర్రబడటం, చీలమండ లేదా కాలులో నొప్పి ఏర్పడుతుంది.
ఒకవేళ కూర్చొని నిద్రించాలనుకుంటే, వాలుగా ఉన్న స్థితిలోకి వెళ్లడం మంచిది. అయితే, గర్భిణీ స్త్రీలకు కూర్చునే భంగిమలో పడుకోవడం ప్రయోజనకరం. ఎందుకంటే గర్భధారణ సమయంలో పడుకుని హాయిగా నిద్రపోవడం కష్టం కాబట్టి.
సో.. మనం నిటారుగా కూర్చుని కునుకు తీయడం మంచిది. అయితే కూర్చుని నిద్రించడం మనకు అంత మంచిది కాదని వైద్యులు చెప్తున్నారు. ఒకవేళ నిద్రపోవాలి అనిపిస్తే.. 15 నిమిషాలు అలా నేలపై కానీ బెడ్ పై కానీ నిద్రించడం చేస్తే సరిపోతుందని వారు సూచిస్తున్నారు.