ప్రేమలో పడిపోయాం.. పెళ్లైపోయింది.. ఇంకేముందిలే అనుకుంటారు మహిళలు. అలా అనుకుంటే పొరపాటేనని మానసిక నిపుణులు అంటున్నారు. ప్రేమలో పడ్డాక కొత్తలో, పెళ్లయ్యాక కొత్తలో భాగస్వామి కోసం అందంపై శ్రద్ధ చూపే మహిళలు.. ఆ తర్వాత క్రమక్రమంగా సౌందర్యంపై శ్రద్ధ తీసుకోవడాన్ని తగ్గించేస్తారు.
అయితే మానసిక నిపుణులు మాత్రం మీపై మీరు సంరక్షణ తీసుకోవాలంటున్నారు. విటమిన్స్‌తో కూడిన ఆహారం తీసుకోవడం, శుభ్రంగా తినడం, నీట్‌గా ఉండటం చేయాలి. పెళ్లయ్యాక కూడా అందంపై శ్రద్ధ తీసుకోవాలి. వ్యక్తిత్వం ఉత్తమంగా లేకపోతే... భాగస్వామి ముందు చులకన అయ్యే ప్రమాదముంది.
అలాగే శరీర బరువు విషయంలో జాగ్రత్త పడండి. ఒకేసారి బరువు తగ్గకుండా.. శక్తితో పాటు శరీరాకృతిని మెరుగుపరుచుకునేందుకు వ్యాయామం చేయండి. మనస్సును ఎప్పుడూ ఆనందంగా ఉంచుకోవాలని మానసిక నిపుణులు అంటున్నారు.