చింతపండు ఎక్కువ కాలం నిల్వ ఉండాలంటే...

చింతపండు ఎక్కువ కాలం నిల్వ ఉండాలంటే, ఇంగువ, ఉప్పు నీటిలో కలిపి ఆ నీటిని చింతపండు పై చల్లి చింతపండును బాగా ఎండలో ఆరబెట్టాలి. ఆరాక మంచి కంటెయినర్లో ఉంచుకుంటే ఎంత కాలమైనా చింతపండు నిల్వ ఉంటుంది.

తక్కువ పాలతో చిక్కటి టీ కావాలంటే. టీ రెడీ అయ్యాక, బిస్కెట్ పొడి కాస్త ఆ పలచని టీ లో కల్పండి అంతే చిక్కని టీ రెడీ.

నూనెలో కానీ, నెయ్యిలో కాని కొంచెం బెల్లం ముక్కని వేస్తే గడ్డ కట్టకుండా ఉంటుంది.

స్టెయిన్ లెస్ స్టీల్ సింకులో పడిన మరకలను వెనిగర్‌లో ముంచిన గుడ్డతో తుడిస్తే మరకలు పోతాయి.

అప్పడాల్ని నిల్వ చేసే డబ్బాలో కొద్దిగా కారం, ఇంగువ చల్లితే పురుగులు, చీమలు దరిచేరవు.

క్యాబేజీ ఉడికించేటప్పుడు ఆ నీటిలో చిన్న అల్లం ముక్క వేస్తే ఘాటైన వాసన రాదు. రుచి కూడా బాగుంటుంది.