ఆఫీసుల్లో గంటల పాటు కూర్చునే మహిళలు ఈ చిట్కాలు పాటించాల్సిందే అంటున్నారు.. ఆరోగ్య నిపుణులు. ఉద్యోగం, ఇల్లు ఇలా రెండు పనులు చేసుకుంటూ.. వ్యాయామానికి సమయం లేదని చాలామంది మహిళలు అంటున్నారు. ఈ క్రమంలో బరు
ఆఫీసుల్లో గంటల పాటు కూర్చునే మహిళలు ఈ చిట్కాలు పాటించాల్సిందే అంటున్నారు.. ఆరోగ్య నిపుణులు. ఉద్యోగం, ఇల్లు ఇలా రెండు పనులు చేసుకుంటూ.. వ్యాయామానికి సమయం లేదని చాలామంది మహిళలు అంటున్నారు. ఈ క్రమంలో బరువు పెరిగినా పట్టించుకోరు. పనులపై దృష్టి పెట్టి అనారోగ్యాలు తెచ్చుకుంటారు. అలాంటి వారు మీరైతే... ఈ కథనం చదవండి
ఆఫీసుల్లో గంటలు గంటలు కూర్చునేవారు పవర్‌ వాక్‌ చేయడం కూడా అలవాటు చేసుకోవాలి. కాసేపు నిదానంగా, మరికాసేపు వేగంగా.. నడవడం అలవాటు చేసుకోవాలి. కూర్చునే చోట మంచినీళ్ల సీసా అందరూ పెట్టుకుంటారు. నిజానికి సీసా పెట్టుకోకుండా దాహం వేసిన ప్రతిసారీ ప్యాంట్రీకి వెళ్లి తాగడం అలవాటు చేసుకోవాలి. ఇలా మాటిమాటికీ చేస్తే వ్యాయామం చేసినట్లవుతుంది.
పనిమీద శ్రద్ధ పెట్టడం వల్ల ధ్యాస మిగతా వాటి మీద ఉండదు. అందుకే గంటకోసారి అలారం పెట్టుకోవాలి. ఫిట్‌నెస్‌ కోసం పెట్టుకున్న ఈ అలారం మోగినప్పుడు చేతులు లేదంటే కాళ్లూ, మెడా కదుపుతూ ఉండాలి. ఇక గంటల పాటు కూర్చునే వారు అవిసెగింజలూ, బాదం, ఖర్జూరం, నట్స్‌ వంటివి ఆఫీసు ర్యాకులో పెట్టుకోవాలి. ఇవి తక్షణశక్తిని అందిస్తాయి. గ్యాస్‌ వంటి సమస్యలు రాకుండా అడ్డుకుంటాయని ఆరోగ్య నిపుణులు సూచిస్తున్నారు.