మోచేయి, మోకాలిపై గల బ్లాక్ సర్కిల్స్‌ను దూరం చేసుకోవాలంటే ఈ టిప్స్ పాటించండి. ఒక జామకాయను తీసుకుని మిక్సీలో రుబ్బుకుంటే.. స్క్రబ్‌లా తయారవుతుంది. ఈ స్క్రబ్‌లో నిమ్మరసాన్ని కలపండి.
ఈ మిశ్రమాన్ని మోచేతి, మోకాలిపై గల బ్లాక్ సర్కిల్స్‌కు ప్యాక్‌లా వేసి మర్దన చేయండి. పది నిమిషాల తర్వాత కడిగేయండి. ఆ తర్వాత మాయిశ్చరైజర్ క్రీమ్‌ను లైట్‌గా అప్లై చేసుకోండి. తప్పకుండా బ్లాక్ మార్క్స్ తొలగిపోతాయంటున్నారు బ్యూటీ నిపుణులు.
అలాగే పాలు, తేనె, పసుపును సమపాళ్లలో తీసుకుని పేస్ట్‌లా తయారు చేసుకోవాలి. ఈ మిశ్రమాన్ని బ్లాక్ మార్క్స్ వద్ద రాసి, 10 నిమిషాల తర్వాత కడిగిస్తే.. మంచి ఫలితం ఉంటుంది. ఇందులో బాదం పౌడర్‌ను కూడా ఉపయోగించవచ్చు.
ఆరెంజ్ తొక్క పౌడర్, పాలను సమంగా తీసుకుని పేస్ట్‌లా చేసుకుని మోచేయికి రాసుకుని 10 నిమిషాల తర్వాత కడిగేయాలి. ఈ టిప్స్ పాటిస్తే తప్పకుండా బ్లాక్ మార్క్స్‌కు చెక్ పెట్టవచ్చునని బ్యూటీషన్లను సలహా ఇస్తున్నారు.