చర్మంపై ఏర్పడే ట్యానింగ్‌ను తొలగించుకోవడానికి ఎలాంటి పద్ధతులు పాటించాలో తెలుసుకోవాలంటే ఈ కథనం చదవండి. సూర్యుని అతినీలలోహిత కిరణాలు సోకడం వల్ల స్కిన్ ట్యాన్ వస్తుంది. ఇది ఒక్క వేసవిలోనే కాకుండా ఏ కాలంలోనైనా వచ్చే సమస్య. ఒక టేబుల్ స్పూన్ పాలు లేదా క్రీమ్‌ను, ఒక టేబుల్ స్పూన్ తేనె, ఒక టేబుల్ స్పూన్ నిమ్మరసం, అరటేబుల్ స్పూన్ ఆల్మండ్ ఆయిల్ కలిపి ముఖానికి అప్లయ్‌చేసి 10-15 నిమిషాలు ఆగిన తర్వాత కడిగేయాలి. దీనివల్ల ట్యాన్ తగ్గడమేకాకుండా చర్మానికి మంచి నిగారింపు కూడా వస్తుంది.
ఒక టేబుల్ స్పూన్ పసుపు, నిమ్మరసం కలుపుకుని ట్యానింగ్ ఉన్న ప్రదేశాల్లో రాసి 20 నిమిషాలాగి చల్లని నీటితో కడిగేయాలి. నిమ్మ సహజ సిద్ధమైన బ్లీచ్. టమోటా గుజ్జును నిమ్మ లేదా నారింజ రసంలో కలిసి రాసి ఇరవై నిమిషాలు ఆగిన తర్వాత కడిగేయాలి.
పొడి చర్మం గలవారయితే అర టీ స్పూన్ ఆల్మండ్ ఆయిల్ కలుపుకోవాలి. స్ట్రాబెర్రి గుజ్జు, పంచదార, నిమ్మరసం కలుపుకుని ట్యానింగ్‌‌గల ప్రదేశాల్లో స్క్రబ్‌గా ఉపయోగించుకోవచ్చు. సున్నితమైన చర్మంగలవారు కాసిని బాదం పప్పుల్ని రాత్రంతా నీటిలో నానబెట్టి తోలుతీసి, రుబ్బి పుల్లని పెరుగు లేదా క్రీమ్‌తో కలిపి రాస్తే మరింతగా ఫలితం కనిపించే వీలుంటుంది.