మగాడెందుకు వంట చెయ్యడు...?

మగవాడు వంట చేయడం చాలా తక్కువే. భార్య వంట చేసి, ఇంటి చాకిరీ చేస్తూ, ఆపై ఉద్యోగం చేస్తూ, పిల్లల ఆలనాపాలనా చేస్తున్నా.... మగవాడు మాత్రం మిగిలిన పనుల సంగతేమోగానీ వంట విషయంలో మాత్రం హెల్ప్ చేసే సందర్భం చాలా తక్కువ. ఒకవేళ కాస్త వంట చేసి పెట్టమని అడిగితే భార్యపై ఇంతెత్తున ఎగిరిపడతాడు. నేను మగాడిని వంట చేయాలా అంటూ కోపంతో ఊగిపోతాడు. 

ఐతే దీనికి కారణం ఎన్నో ఏళ్లుగా వంటచేయడం అనేది మహిళ పని అనేది వస్తోంది. పెళ్లికి ముందు అమ్మ చేతి వంట... పెళ్లయ్యాక శ్రీమతి చేతి వంట... అంతేతప్ప మగాడు వంటి చేసే సందర్భం చాలా తక్కువే. ఇకపోతే వంట మంచిగా చేయడం అనేది అనాదిగా స్త్రీ సొత్తు అయినప్పటికీ మగవాళ్లు కూడా తమ నేర్పును చూపించిన దాఖలాలు ఉన్నాయి. 

భీముడు, నలుడు ఇందుకు ఉదాహరణలుగా చెప్పుకోవచ్చు. ప్రస్తుతం అధునాతన స్టార్ హోటల్స్ లో మగవాళ్లే వంటలు చేయడం మనం చూస్తుంటాం. బయట హోటల్లో చేసిన చీఫ్ చెఫ్ సైతం ఇంటికి వచ్చేసరికి తన భార్యే వంట వండాలి... ఆమె వండిన వంటకాన్నే తినాలని కోరుకుంటాడు. ఐతే వంట చేయాల్సింది స్త్రీ మాత్రమే అనేది ఇప్పుడిప్పుడే మారడం కనబడుతోంది. ఇపుడు చాలా ఇళ్లలో మగవాళ్లు వంటలు చేస్తూ కనబడుతున్నారు మరి.