క్యారెట్‌ను అధికంగా తింటే విటమిన్ ఎ పుష్కలంగా లభిస్తుంది. అలాగే జీవితాంతం అద్దాలు పెట్టుకోకుండా ఉండాలంటే వారానికి ఐదారు క్యారెట్లు తీసుకోవాలి. కడుపులో ఆమ్లాలు చేరడం ద్వారా ఏర్పడే తేపులు.. పిత్త వ్యాధులు, ఆకలి లేమిని దూరం చేసుకోవాలంటే.. క్యారెట్ తురుముతో పచ్చడి తయారు చేసుకుని తీసుకోవచ్చునని ఆరోగ్య నిపుణులు అంటున్నారు.
శరీరంలో కొవ్వు శాతాన్ని తగ్గించాలంటే క్యారెట్‌ను తీసుకోవాల్సిందే. అంటువ్యాధులు, అలెర్జీలకు క్యారెట్ దివ్యౌషధంగా పనిచేస్తుంది. కిడ్నీ సంబంధిత సమస్యలను దూరం చేయడంలో క్యారెట్ మంచిగా పనిచేస్తుందని ఆరోగ్య నిపుణులు అంటున్నారు.
క్యారెట్ పచ్చడి ఎలా చేయాలి.?
కావలసిన పదార్థాలు
క్యారెట్లు: అరకేజీ
కొబ్బరి తురుము: రెండు కప్పులు
నిమ్మరసం: పావు కప్పు
మిరియాలు: ఒక టీ స్పూన్
ఆవాలు: ఒక టీ స్పూన్
జీలకర్ర: ఒక టీ స్పూన్
పచ్చిమిర్చి: 10
కొత్తిమీర: 1కట్ట
ఉప్పు: రుచికి తగినంత
నూనె: కావలసినంత
తయారీ విధానం :
ముందుగా క్యారెట్ తురుమును ప్యాన్‌పై లేతగా వేపుకోవాలి. అందులో కొబ్బరి తురుము, కొత్తిమీర, మిరియాలు, పచ్చిమిర్చి ముక్కలను మిక్సీలో వేసి మెత్తగా రుబ్బుకోవాలి. తర్వాత స్టౌ మీద పాన్ పెట్టి నూనె వేడయ్యాక ఆవాలు, జీలకర్ర వేసి చిటపటలాడాక కరివేపాకు వేయాలి. తర్వాత వెంటనే అందులో ముద్దుగా గ్రైండ్ చేసి పెట్టుకొన్న ముద్దను చేర్చి దించేయాలి. అంతే క్యారెట్ పచ్చడి రెడీ. ఇది అన్నంలోకైనా, దోసెల్లోకైనా సైడిష్‌గా టేస్టీగా ఉంటుంది.