శీతాకాలంలో ముల్లంగిని ఎక్కువగా ఆహారంలో భాగం చేసుకోవాలి. ముల్లంగితో ఆ ఆకుల రసంతో ప్రోటీన్, కార్బోహైడ్రేట్, క్లోరిన్, సోడియం, ఐరన్, మెగ్నీషియం లభిస్తాయి. ముల్లంగి ఆకుల జ్యూస్ తీసుకుంటే బరువు ఇట్టే తగ్గవచ్చు. అలాంటి ముల్లంగితో వేడి వేడి చపాతీలు తయారు చేస్తే ఎలా వుంటుందో చూద్దాం..
కావలసిన పదార్థాలు
గోధుమ పిండి- రెండు కప్పులు
ముల్లంగి తురుము- కప్పు
జీలకర్ర- అరచెంచా
కారం - చెంచా
అల్లం వెల్లుల్లి- చెంచా
ఉప్పు- నీళ్లు- నూనె- నెయ్యి-తగినంత
తయారీ విధానం: ముందుగా ఓ బౌల్‌లో గోధుమ పిండి, ముల్లంగి తురుము, ఉప్పు, కారం, వెల్లుల్లి ముద్ద, జీలకర్ర పిండిని కలుపుకోవాలి. సహజంగా నీరు ముల్లంగిలో వుంటుంది కాబట్టి .. నీళ్లు కాసింత పోసి కలుపుకోవాలి. పావు గంట ఈ మిశ్రమాన్ని పక్కనబెట్టాలి. ఆ తర్వాత చపాతీల్లా వేసుకుని పెనంపై నేతితో కాల్చుకోవాలి. అంతే ముల్లంగి చపాతీ రెడీ. వీటిని వేడి వేడిగా గ్రీన్ చట్నీ, టమోటా సాస్‌తో సర్వ్ చేస్తే టేస్ట్ అదిరిపోతుంది.