వంకాయ ఫ్రై ఎలా చేయాలో చూద్దాం...

వంకాయలోని న్యూట్రియన్ ఫాక్ట్స్ శరీరానికి కావలసిన పోషక విలువలను అందిస్తాయి. దాంతోపాటు అనారోగ్య సమస్యల నుండి ఉపశమనం కలిగిస్తుంది. ఇన్‌ఫెక్షన్స్ నుండి కాపాడుతుంది. చర్మం దురదలను తగ్గిస్తుంది. ఇలాంటి వంకాయతో ఫ్రై ఎలా చేయాలో చూద్దాం..

కావలసిన పదార్థాలు: 

వంకాయలు - అరకిలో 

ఎండుకొబ్బరి పొడి - 1 కప్పు

ఉల్లిపాయ - 1

వెల్లుల్లి - పావుకప్పు

జీలకర్ర - 2 స్పూన్స్

ఆవాలు - 1 స్పూన్

పసుపు - చిటికెడు

కారం - 2 స్పూన్స్

ఉప్పు - తగినంత

నూనె - సరిపడా

కరివేపాకు - కొద్దిగా.

తయారీ విధానం:

ముందుగా ఉల్లిపాయ ముక్కలు, కొబ్బరి పొడి, వెల్లుల్లి రెమ్మలు, జీలకర్ర వేసి మసాలా రుబ్బి పెట్టుకోవాలి. ఇప్పుడు బాండీలో నూనె వేసి కాగిన తరువాత ఆవాలు, జీలకర్ర, కరివేపాకు వేసి వేయించి ఆ తరువాత వంకాయ ముక్కలు వేసుకుని వేయించి పక్కన పెట్టుకోవాలి. మిగిలిన నూనెలో మసాలా ముద్ద వేసి నూనె పైకి తేలెంత వరకూ వేగనిచ్చి ఇందులో వంకాయ ముక్కలు, ఉప్పు, కారం జతచేసి సన్నని మంట మీద ఓ 5 నిమిషాల పాటు ఉడికించుకోవాలి. అంతే... వంకాయ ఫ్రై రెడీ.