ముందుగా నాన్‌స్టిక్ పాన్‌లో నూనె వేడిచేసి పచ్చిమిర్చి ముక్కలు జీలకర్ర, ఆవాలు వేసి సన్నని మంటపై దోరగా వేయించుకోవాలి. తరువాత అందులో ఆమ్లా ముక్కలు వేసి సన్నని మంటపై 3 నిమిషాలు ఉడికించాలి. ఉడికే క్రమంలో ఈ ముక్కల్ని మధ్య మధ్యలో కలుపుకోవాలి. ఈ మిశ్రమంలో కారం, పసుపు, సోంపు, ధనియాల పొగులు, ఇంగువ, ఉప్పు వేసి బాగా కలిపి 2 నిమిషాలు ఉడికించుకోవాలి. మధ్య మధ్యలో ఈ మిశ్రమాన్ని గరిటెతో కలుపుకోవాలి. కూర బాగా దగ్గర పడిన తర్వాత దించి దానిపై కొత్తిమీర తరుగు చల్లి వేడివేడి అన్నంతో తింటే ఎంతో రుచిగా ఉంటుంది.