ఇంటి ఆవరణలో బావి ఎక్కడ తవ్వాలి... ఎక్కడ తవ్వకూడదు...?
ఇంటి నిర్మాణంలో బావి తవ్వకం ప్రాధాన్యత వహిస్తోంది. బావి తవ్వకం సరైన దిశలో చేపడితే ఆ ఇంటిలో నివాసముండే వారికి సకల సంపదలు చేరువవుతాయని వాస్తు శాస్త్రం పేర్కొంటుంది. తూర్పు ఈశాన్యంలో బావులు తవ్వుకోవడం వల్ల సకల సంపదలు వనగూరుతాయని వాస్తు నిపుణులు చెపుతున్
ఇంటి నిర్మాణంలో బావి తవ్వకం ప్రాధాన్యత వహిస్తోంది. బావి తవ్వకం సరైన దిశలో చేపడితే ఆ ఇంటిలో నివాసముండే వారికి సకల సంపదలు చేరువవుతాయని వాస్తు శాస్త్రం పేర్కొంటుంది. తూర్పు ఈశాన్యంలో బావులు తవ్వుకోవడం వల్ల సకల సంపదలు వనగూరుతాయని వాస్తు నిపుణులు చెపుతున్నారు. అయితే కొన్ని దిశల్లో బావి తవ్వకం సరైంది కాదని వాస్తు వెల్లడిస్తోంది.
తూర్పు- ఆగ్నేయ భాగంలో బావి తవ్వకూడదని వాస్తుశాస్త్రం చెబుతోంది. ఈ దిశలలో బావి తవ్వినట్లైతే అనారోగ్యాలు అగ్ని ప్రమాదాలు, ఆర్థిక కష్టనష్టాలు కలుగుతాయి. ముఖ్యంగా ఇంటి యజమానికి తీవ్ర అనారోగ్య బాధలు కలుగుతాయి. ఉత్తర- వాయువ్య దిశలో బావి తవ్వకూడదని వాస్తు నిపుణులు చెబుతున్నారు.
ఈ స్థలంలో బావి తవ్వినట్లైతే శత్రుహాని, అనారోగ్యాలు ముఖ్యంగా స్త్రీలకు సుఖశాంతులు కరువవుతాయి. మానసిక సంక్షోభం వంటి చెడుఫలితాలు కలుగుతాయని వాస్తునిపుణులు అంటున్నారు.
పడమర భాగంలోను, పడమర-వాయవ్య, నైరుతి-పడమర దిశలలో బావితవ్వకూడదని వాస్తు తెలుపుతోంది. అలా బావి తవ్వకం చేపట్టినట్లైతే... ఆ గృహంలో నివసించువారికి అనారోగ్యాలు, ఆర్థిక కష్టనష్టాలు కలిగి చెడుస్నేహాలు, గౌరవ భంగం కలుగుతుందని వాస్తునిపుణులు తెలుపుతున్నారు.