దేశంలోని పోస్టాఫీసులను బ్యాంకులతో అనుసంధానం చేయనున్నట్టు కేంద్ర ఆర్థిక మంత్రి నిర్మలా సీతారామన్ తెలిపారు. ఆమె మంగళవారం లోక్‌సభలో 2022-23 వార్షిక బడ్జెట్‌ను ప్రవేశపెట్టారు. ఈ సందర్భంగా ఆమె మాట్లాడుతూ, దేశంలోని నదులైన గోదావరి - కృష్ణా - పెన్నేరు - కావేరి నదులను అనుసంధానం చేసేలా ఒక ప్రాజెక్టును రూపకల్పన చేస్తామన్నారు. ఆమె లోక్‌సభలో మంగళవారం ప్రవేశపెడుతున్న బడ్జెట్‌లోని ముఖ్యాంశాలను పరిశీలిస్తే,
భూమి పత్రాలన్నీ డిజిటలైజేషన్. ఒకే దేశం.. ఒకే రిజిస్ట్రీ పేరుతో ప్లాన్
1.5 లక్షల పోస్టాఫీసుల్లో డిజిటల్‌ మనీ ట్రాన్స్‌ఫర్‌ విధానం.
ఎలక్ట్రిక్ వాహనాల కోసం ప్రత్యేక కేంద్రాల్లో బ్యాటరీలను మార్చేందుకు ప్రణాళికలు.
వ్యవసాయ వస్తువుల కనీస మద్దతు ధర కోసం రూ.2.7 లక్షల కోట్లు
బ్యాంకుల సహకారంతో పోస్టాఫీసు నిర్వహణకు చర్యలు
ఈశాన్య రాష్ట్ర అభివృద్ధికి రూ.1500 కోట్లు కేటాయింపు
ప్రధానమంత్రి గృహనిర్మాణ పథకం కింద 18 లక్షల ఇళ్లు నిర్మించేందుకు రూ.48 వేల కోట్లు కేటాయింపు
రూ.60 వేల కోట్లతో 18 లక్షల ఇళ్లకు తాగునీటి కనెక్షన్ ఇచ్చేందుకు చర్యలు
దేశవ్యాప్తంగా 2 లక్షల అంగన్‌వాడీలను అప్‌గ్రేడ్ చేయనున్నారు
2023 నాటికి 2 వేల కి.మీ. దూరం వరకు రైల్వే నిర్మాణం అభివృద్ధి చెందుతుంది.
దేశవ్యాప్తంగా 25,000 కి.మీ జాతీయ రహదారి. దూరం వరకు విస్తరించబడింది.