అక్కినేని అమల ‘లైఫ్ ఈజ్ బ్యూటిఫుల్' శేఖర్ కమ్ముల దర్శకత్వంలో ఆమధ్య నటించిన సంగతి తెలిసిందే. ఇపుడు అమల వెండితెర నుంచి బుల్లితెర సీరియల్ నటిగా కూడా కనిపించబోతున్నట్లు తెలుస్తోంది. చెన్నైలో అమల దీనిపై మాట్లాడుతూ... తాను ఓ తమిళ సీరియల్‌లో డాక్టర్ పాత్ర పోషిస్తున్నట్లు తెలియజేశారు. ‘ఊయెర్రి' అనే పేరుతో రూపొందనున్న ఈ సీరియల్ లో తాను ఓ డాక్టరుగా నటించనున్నట్లు తెలిపారు.
‘సీరియిల్ స్క్రిప్టు చాలా బాగుందని, అందువల్లనే ఒప్పుకున్నాన"నీ చెప్పారు. 12 మంది వైద్యులు, వాళ్ల జీవితాలు, కుటుంబాలు, రోగుల నేపథ్యంలో సాగే ఈ సీరియల్ ఆగస్టు రెండోవారం తర్వాత ప్రసారం కావచ్చు అంటున్నారు అమల. మరి ఇంతకీ ఈ సీరియల్ ఏ టివీలో ప్రసారం కానుందో...