బుడ్డోడికి బాతు చేసిన సహాయం చూసారా..? (వీడియో)

సాధారణంగా బాతులు మనుషులను చూస్తే ఆమడ దూరం వెళ్లిపోతాయి. అలికిడి అయితే ఒక్కసారిగా తుర్రుమంటాయి. కానీ ఓ బుజ్జి బాతు మాత్రం ఓ పిల్లవాడికి సహాయం చేసింది. దీనికి సంబంధించిన వీడియో ఇప్పుడు సోషల్ మీడియాలో వైరల్‌గా మారింది.

ఓ బాలుడి చెప్పు గుంతలో పడిపోయింది. దానిని తీసుకోవడానికి బాలుడు ప్రయత్నించినప్పటికీ, సాధ్యం కాలేదు. అయితే గుంతలో పడిపోయిన చెప్పును ఒక బాతు పట్టుకొచ్చి ఇచ్చింది. బుజ్జిబాతు ఆ చెప్పును నోటికి కరుచుకుని బాలుని అందించే ప్రయత్నం చేసింది, ఇలా రెండు మూడు సార్లు దగ్గరకు వచ్చినట్లే వచ్చి జారిపోయింది.

అయినా కూడా ఆ బుజ్జి బాతు ప్రయత్నిస్తూనే ఉంది, అయితే ఎలాగోలా కష్టపడి చెప్పును ముక్కున కరచుకుని తెచ్చి ఇచ్చింది. బాతు అందించిన చెప్పు పట్టుకుని బుడ్డోడు అక్కడి నుండి పరుగెత్తుకుంటూ వెళ్లిపోయాడు. ఆ తర్వాత బాతు కూడా ఆ గుంతలో నుంచి బైటకు వచ్చి, తన రెక్కలతో టపటపా కొట్టి మరీ నేను సాధించానోచ్ అంటూ చెప్పింది.

ప్రస్తుతం ఈ వీడియో సోషల్ మీడియాలో వైరల్‌గా మారింది. నెటిజన్స్‌ బాతు చేసిన సహాయానికి ప్రశంసలు కురిపిస్తున్నారు. అయితే ఆ బాతు పిల్లాడి పెంపుడు బాతు అని కొందరు, కాదని మరికొందరు కామెంట్‌లు చేస్తున్నారు. అదేమైనా బాతును చూసిన వారికి ఒక్కటి మాత్రం అర్థమవుతుంది.

చేసే పని కష్టంగా ఉన్నప్పటికీ, వదలకుండా ప్రయత్నిస్తే..అది తప్పకుండా సాధ్యమవుతుందని బాతు చెప్పకనే చెప్పింది. ఈ వీడియోని మీరు కూడా చూడండి మరి..