రవితేజ హీరోగా, ఇలియానా హీరోయిన్‌గా శ్రీను వైట్ల దర్శకత్వంలో రూపుదిద్దుకుంటున్న సినిమా 'అమర్ అక్బర్ ఆంటోని'. ఈ సినిమా నుంచి తాజాగా లిరికల్ వీడియోను రిలీజ్ చేశారు. దీపావళి కానుకగా అందించిన ఈ లిరికల్ వీడియో సాంగ్ అదరగొట్టేస్తోంది. "హే హలో హలో డాన్ బాస్కో .. ఛల్ ఛలో ఛలో పంజూస్కో .. పడిపడి ఎంతైనా ట్రై చేస్కో .. నే దొరకను కాస్కో" అంటూ ఈ పాట ఆకట్టుకుంటోంది.
తమన్ అందించిన ఈ బాణీలు యూత్‌ను ఆకట్టుకునేలా వుంది. విశ్వ రాసిన ఈ పాటను శ్రీకృష్ణ, జస్ప్రీత్, రమ్య బెహ్రా తదితరులు ఆలపించారు. ఈ సినిమా ప్రీ రిలీజ్ ఈవెంట్‌ను ఈ నెల 10వ తేదీన గ్రాండ్‌గా జరపనున్నారు. ఈ నెల 16వ తేదీన ఈ సినిమాను ప్రపంచవ్యాప్తంగా విడుదల చేయనున్నారు. శ్రీను వైట్ల .. రవితేజ కాంబినేషన్లో గతంలో వచ్చిన సినిమాలు భారీ విజయాలను సాధించాయి. అందువలన ఈ సినిమాపై అందరిలోనూ భారీ అంచనాలున్నాయి.
ఇప్పటికే ఈ టీజర్‌కు మంచి స్పందన లభించింది. టైటిల్‌కి తగినట్టుగానే మూడు డిఫరెంట్ లుక్స్‌తో రవితేజను చూపుతూ టీజర్‌ను కట్ చేశారు. విదేశాల్లోని లొకేషన్స్ ఈ సినిమాకి ప్రత్యేక ఆకర్షణగా నిలవనున్నట్టు ఈ టీజర్‌ను బట్టి అర్థం చేసుకోవచ్చు. ఈ సినిమా శాటిలైట్ హక్కుల కోసం బంపర్ ఆఫర్ ఇచ్చి జెమిని చానెల్ దక్కించుకుందట.
రవితేజ, శ్రీను వైట్ల సక్సెస్‌లో లేకపోవడం వల్ల ఈ సినిమా బిజినెస్, ఇతర రైట్స్‌కి మంచి ఆఫర్స్ రావని అందరూ భావించారు. కానీ మైత్రి మూవీ మేకర్స్ ఈ సినిమాని నిర్మించడం, రవితేజ లుక్, టీజర్స్, ట్రైలర్ అందరినీ ఆకట్టుకునేలా చేయడంలో శ్రీను వైట్ల సక్సెస్ అవ్వడం సినిమాపై హైప్‌ని క్రియేట్ చేసింది.