ఆర్థిక ఇబ్బందులు ఎదుర్కొంటున్నట్లు పాకిస్తానీ మహిళ సీమా హైదర్-సచిన్ మీనా గురించి వార్తలు తెరపైకి వచ్చిన తర్వాత, ఈ జంటకు ఆఫర్లు వెల్లువెత్తుతున్నాయి. ఈ జంటకు మొదట చలనచిత్ర నిర్మాత అమిత్ జానీ నుండి అతని చిత్రంలో పని చేయడానికి ఆఫర్ వచ్చింది.
ప్రస్తుతం సీమా-సచిన్‌లకు గుజరాత్ నుండి ఒక లేఖ వచ్చింది. అందులో ఒక వ్యాపారవేత్త వారికి ఒక్కొక్కరికి 6 లక్షల రూపాయల వార్షిక ప్యాకేజీతో కూడిన ఉద్యోగాలు ఇచ్చారు. దంపతులు ఎప్పుడైనా వచ్చి ఉద్యోగంలో చేరవచ్చని లేఖలో పేర్కొన్నారు.
వివరాల్లోకి వెళితే.. దంపతులకు సోమవారం రబుపురా పోస్టాఫీసు నుంచి కవరు వచ్చింది. కవరుపై గుజరాత్ చిరునామా రాసి ఉంది.
ఆఫర్ లెటర్‌తో కూడిన కవరును మంగళవారం పోలీసుల సమక్షంలో దంపతులు ఓపెన్ చేసి చూశారు. సీమా, సచిన్ ఇద్దరికీ నెలకు రూ.50,000 జీతం ఇస్తానని గుజరాత్‌కు చెందిన ఓ వ్యాపారవేత్త ఆఫర్ లెటర్‌లో పేర్కొన్నాడు.
ఎప్పుడు కావాలంటే అప్పుడు వచ్చి ఉద్యోగంలో చేరవచ్చని కూడా ఆఫర్ లెటర్‌లో రాసి ఉంది.
వ్యాపారవేత్త ఎవరనేది ఇంకా వెల్లడించలేదు.
సీమా-సచిన్ ఇద్దరూ పోలీసుల నిఘాలో ఉన్నారు. ఉద్యోగం లేకపోవడంతో ఈ జంట ఆర్థిక కష్టాల్లో వున్నట్లు వార్తలు సోషల్ మీడియాలో వైరల్ అవుతున్నాయి.