అలియా భట్ పెళ్లి కూతురాయనే.. ఎరుపు రంగు లెహంగాలో..?

బాలీవుడ్ అందాల సుందరి అలియా భట్ తాజాగా ఇన్‌స్టాగ్రామ్‌లో పోస్టు చేసిన ఫోటోలు వైరల్ అవుతున్నాయి. పెళ్లికూతురు లుక్‌లో అలియా భట్ ఆ ఫోటోల్లో అదరగొట్టింది. తన తండ్రి మహేష్ భట్ వారసత్వంలో ఇండస్ట్రీలోకి అడుగుపెట్టిన అలియా భట్ తన నటనతో అదరగొడుతోంది. ఆమె నటించిన మొదటి సినిమా 'స్టూడెంట్ ఆఫ్ ది ఇయర్', ఆ తర్వాత 'డియర్ జిందగీ', 'హైవే', 'రాజీ' మొదలగు సినిమాలు మంచి పేరును తెచ్చిపెట్టాయి. 

ఇంకా అలియా భట్ తెలుగు సినిమాలోనూ నటించనుంది. ప్రముఖ దర్శకుడు బాహుబలి మేకర్ రాజమౌళి తెరకెక్కించే ట్రిపుల్ ఆర్‌లోనూ అలియా హీరోయిన్‌గా నటించనుంది. ఈ నేపథ్యంలో శనివారం ఇన్‌స్టాగ్రామ్‌లో పెళ్లికూతురు లుక్‌లో వున్న ఫోటోలతో అలియా భట్ కనిపించింది. ఎరుపు రంగు లెహంగాలో అదిరిపోయింది. ఆభరణాలు, అతికిపోయిన మేకప్‌తో భలే అనిపింది. 

ఈ ఫోటోలను ఇన్‌స్టాగ్రామ్‌లో పోస్టు చేస్తూ.. ''దుల్హాన్ వాలి ఫీలింగ్'' అనే క్యాప్షన్ పెట్టింది. ఈ ఫోటోను చూసిన నెటిజన్లంతా అలియా భట్‌పై ప్రశంసలు కురిపిస్తున్నారు. ''రణ్‌బీర్ కి దుల్హాన్'', ''రణ్‌బీర్ దుల్హాన్ లేజాయేంగే'' అంటూ కామెంట్లు పెడుతున్నారు. 

ఇకపోతే.. అలియా భట్ రణ్‌బీర్ కపూర్‌తో ప్రేమలో వున్నట్లు బాలీవుడ్ కోడై కూస్తున్న సంగతి తెలిసిందే. రణ్‌బీర్-అలియా భట్‌లు త్వరలోనే వివాహం చేసుకోబోతున్నారని కూడా బిటౌన్‌లో వార్తలు వస్తున్నాయి. బిటౌన్‌లో రణ్‌వీర్-దీపికాలా.. రణ్‌బీర్-అలియా చూడముచ్చటగా దంపతులు కానున్నారని సినీ జనం అనుకుంటున్నారు.