ఇంటి పేరు అల్లూరి.. సాకింది గోదారి.. నా అన్న మన్నెందొర - చెర్రీ బర్త్‌డే స్పెషల్ ఇదే

టాలీవుడ్ మెగా పవర్ స్టార్ రామ్ చరణ్ పుట్టినరోజు మార్చి 27వ తేదీని పురస్కరించుకుని దర్శకధీరుడు ఎస్ఎస్ రాజమౌళి సినీలోకానికి ఓ సర్‌ప్రైజ్ ఇచ్చారు. ఎస్ఎస్ రాజమౌళి తెరకెక్కిస్తున్న చిత్రం రౌద్రం రణం రుధిరం (ఆర్ఆర్ఆర్) నుంచి అల్లూరి సీతారామరాజును పరిచయం చేస్తూ ఎన్టీఆర్ వాయిస్‌ ఓవర్‌లో 1.13 నిమిషాల నిడివివున్న ఫస్ట్‌లుక్ టీజర్‌ను తెలుగుతో పాటు పలు భాషల్లో చిత్ర యూనిట్ రిలీజ్ చసింది. 

ఈ టీజర్‌లో "ఆడు కనబడితే నిప్పుకణం నిలబడినట్టుంటది. కలబడితే ఏగుచుక్క ఎగబడినట్టుంటది. ఎదురుబడితే చావుకైనా చెమటలు ధారకడతది. పాణమైనా, బందూకైనా వానికి బాంచనైతది. ఇంటి పేరు అల్లూరి. సాకింది గోదారి. నా అన్న... మన్నెం దొర... అల్లూరి సీతారామరాజు" అంటూ ఎన్టీఆర్ పరిచయం సాగింది.

ఇక ఇందులో రామ్ చరణ్ కసరత్తులు, ధ్యానం చేయడం తుపాకి, బాణాలను ప్రయోగించడం వంటి దృశ్యాల కట్స్ కనిపిస్తున్నాయి. విడుదలైన రెండు నిమిషాల వ్యవధిలోనే తెలుగు వర్షన్ వ్యూస్ లక్ష దాటింది. తమిళ్, హిందీ, కన్నడ, మళయాల భాషల్లోనూ ఇదే ఫస్ట్ లుక్ విడుదలైంది.

టాలీవుడ్ యాక్ట‌ర్ రాంచ‌ర‌ణ్ బ‌ర్త్‌డే సంద‌ర్భంగా స‌ర్ ఫ్రైజ్ వీడియోను విడుద‌ల చేస్తాన‌ని ఎన్టీఆర్ ప్ర‌కటించిన విష‌యం తెలిసిందే. రామ‌రాజు కోసం భీమ్ ఇవ్వ‌నున్న గిఫ్ట్ సాయంత్రం 4 గం.ల‌కు విడుద‌ల చేశాడు. రాంచ‌ర‌ణ్ కు పుట్టిన‌రోజు శుభాకాంక్ష‌లు తెలుపుతూ ఈ వీడియోను షేర్ చేశాడు ఎన్టీఆర్‌.