సీనియర్ టాలీవుడ్ నటుడు వెంకటేష్ తాజా చిత్రం అనిల్ రావిపూడి దర్శకత్వం వహించిన ‘సంక్రాంతికి వస్తున్నాం’ ఈ రోజు ప్రపంచవ్యాప్తంగా సంక్రాంతికి పండుగ బహుమతిగా విడుదలైంది. దిల్ రాజు ప్రదర్శనలో సిరిష్ నిర్మించిన ఈ చిత్రం ఇప్పటికే యునైటెడ్ స్టేట్స్‌లో ప్రదర్శించబడింది. ఈ సినిమాకు సంబంధించిన ట్విట్టర్ రివ్యూ ఎలా వుందో తెలుసుకుందాం. ఈ చిత్రం సానుకూల స్పందనను పొందింది.
దర్శకుడు అనిల్ రవిపుడి తన ట్రేడ్ మార్క్ హాస్యాన్ని మిళితం చేసి, తన సిగ్నేచర్ శైలిలో ఈ చిత్రాన్ని రూపొందించాడు. వీక్షకులు ముఖ్యంగా వెంకటేష్ కామిక్ టైమింగ్‌ను మెచ్చుకున్నారు.
వెంకీ నటనకు వంద మార్కులు పడ్డాయి. వెంకటేష్‌తో పాటు, ఐశ్వర్య రాజేష్, మీనాక్షి చౌదరి నటన కూడా ప్రేక్షకులను ఆకట్టుకుంది. మొత్తం మీద సంక్రాంతికి వస్తున్నాం సమీక్షలు ఈ సెలవు కాలంలో కుటుంబాలు పూర్తిగా ఆనందించే పండుగ ఎంటర్టైనర్ అని వెల్లడించాయి.
వెంకటేష్ నటన సినిమాకు హైలైట్‌గా నిలుస్తుంది. ఐశ్వర్య రాజేష్ పాత్ర కూడా ప్రశంసలు అందుకుంది. అదనంగా, భీమ్స్ సెసిరోలియో సంగీతం సినిమాకు ఒక ప్రధాన బలం. పాటలు ఈ చిత్రం మొత్తానికి స్పెషల్ అట్రాక్షన్. చాలామంది ఈ చిత్రాన్ని ఫుల్ కామెడీతో నిండిన "బ్లాక్ బస్టర్ ఫన్ రైడ్" గా అభివర్ణించారు.
ఈ చిత్రం విడుదలకు ప్రమోషన్స్ బాగా కలిసొచ్చాయి. పోస్టర్లు, ట్రైలర్లు ఆకట్టుకున్నాయి. ఈ చిత్రం పండుగ సీజన్‌కు సరదాగా నిండిన కుటుంబ ఎంటర్టైనర్ అని వెంకటేష్ ఇటీవల పేర్కొన్నాడు. ఆ మాట నిజమైంది.