దేవర సెన్సార్ రిపోర్ట్ వచ్చాకే ట్రిమ్ చేశారు? దేవర ప్రివ్యూ రిపోర్ట్

డీవీ
గురువారం, 26 సెప్టెంబరు 2024 (11:47 IST)
Devara preview poster
ఎన్.టి.ఆర్., కొరటాల శివ, జాన్వీ క‌పూర్, సైఫ్ అలీఖాన్ కాంబినేషన్ లో రేపు ఇండియాలోనూ, ఈరోజు సాయంత్రం ఓవర్ సీస్ లోనూ విడుదలకానున్న దేవర’ చిత్రంపై చిత్ర యూనిట్ చాలా టెన్షన్ గా వున్నట్లు కనిపిస్తోంది. ఇప్పటికే విదేశాల్లో బ్రహ్మాండంగా పబ్లిసిటీ చేసేశారు. ఆర్.ఆర్. ఆర్. తర్వాత దేవరపై అక్కడి అబిమానులు, ప్రేక్షకులు టికెట్లను హాట్ కేక్ ల్లా అమ్మేలా చేశారు. ఇక తెలుగు రాష్ట్రాల్లో ముందుగానే షోలు వేసి టికెట్ల రేట్లు కూడా పెంచేశారు. 
 
అంతా బాగానే వుంది. కానీ సినిమా రిజల్ట్ పై చిత్ర టీమ్ తాము పడ్డ కష్టంతో మంచి సినిమా తీశామని నర్మగర్భంగా చెబుతున్నారు. కానీ సెన్సార్ రిపోర్ట్ ప్రకారం కథ వేరేలా వుంది. సెకండాఫ్ చాలా లాగ్ గా వుండడం, ప్రేక్షకుడి సహనానికి పరీక్షలా వుందని ఓ సభ్యుడు చెప్పినట్లు తెలుస్తోంది. ఈ కథ సముద్ర దొంగల నేపథ్యం కనుక హింస కూడా పరాకాష్టలా వుంటుందని ట్రైలర్ ను బట్టే తెలుస్తోంది. 
 
కథ ప్రకారం తీసుకుంటే ఎన్.టి.ఆర్. తండ్రీ కొడుకులుగా నటిస్తున్నారు. తండ్రి పాత్ర మొదటి పార్ట్ లోనే ఎక్కువగా వుంటుంది. చివరలో కొడుకు పాత్ర వుండబోతోంది. ఆ ఎపిసోడ్ కు జాన్వీకపూర్ ఎంట్రీ ఇస్తుంది. అయితే ఆమె కేవలం 10 నిముసాల నిడివి మాత్రమే వుంటుందట. అందులో రెండు పాటలు ఆమెపై వుంటాయని సమాచారం. ఆర్.ఆర్.ఆర్.లో రామ్ చరణ్ భార్య పాత్ర నిడివికి మించి వుండదనే పోలిక కూడా చేసినట్లు కనిపిస్తుంది. ఈ సినిమా రెండు భాగాలు కనుక రెండో భాగంలో యువ ఎన్.టి.ఆర్. తన తండ్రి కోసం ఏం చేశాడనేది దర్శకుడు చెప్పనున్నాడని తెలిసింది.
 
ఇక మూడుగంటల నిడివిగల ఈ సినిమాను సెన్సార్ రిపోర్ట్ వచ్చాక ఎడిటింగ్ కు పనిచెప్పారట. అందులో 15నిముషాలపాటు కత్తెర వేసినట్లు తెలుస్తోంది. అయినా ఇంకా తగ్గించాల్సి వుందని ఎడిటర్ చెప్పినట్లు కూడా వార్త బయట వినిపస్తుంది. ఇటీవలే దర్శకుడు కొరటాల మాట్లాడుతూ, చిరంజీవి నటించిన ఆచార్య గురించి చెబుతూ, కొన్ని కారణాలవల్ల తప్పిదం జరిగిందని అన్నారు. మరి దేవరలో కావాల్సినంత ఫ్రీడమ్ వుంది. నిర్మాతలు కూడా దర్శకుడికి బంధువులే కావడంతో మరి ఈ సినిమా ఏ స్థాయిలో తీసివుండాలి అనే టాక్ కూడా వుంది. కనుకనే ముందుగానే టికెట్ల రేట్ల పెంపుకు గ్రీన్ సిగ్నల్ ఇవ్వడంతో ఈ సినిమా మొదటి మూడురోజులు ఫుల్ అవుతాయని తర్వాత ఈ సినిమా పెద్దగా ప్రేక్షకుల ఆదరణ పొందదని ట్రేడ్ వర్గాలు విశ్లేషిస్తున్నాయి. దేవర యూనిట్ పడ్డ కష్టానికి ఫలితం వస్తుందోలేదో.. చూద్దాం ఏం జరుగుతుందో. 

సంబంధిత వార్తలు

అన్నీ చూడండి

తాజా వార్తలు

వాస్తు ప్రకారం లాటరీ వ్యవస్థ ద్వారా రైతులకు ప్రత్యామ్నాయ ఫ్లాట్లు.. పెమ్మసాని

దిత్వా తుఫాను: నాలుగు రోజులు భారీ వర్షాలు.. తిరుపతి, చిత్తూరు, నెల్లూరుకు రెడ్ అలెర్ట్

డైవోర్స్ తీసుకున్నా, నా పేరు మౌనిక అంటూ ఫ్రెండ్ రిక్వెస్ట్, డెంటల్ డాక్టర్ నుంచి 14 కోట్లు హాంఫట్

గోదావరి పుష్కరాలకు 7-8 కోట్ల మంది యాత్రికులు హాజరవుతారు.. పురంధేశ్వరి

ఆంధ్రప్రదేశ్ రాష్ట్రానికి లండన్, సింగపూర్ లాంటి రాజధాని ఎందుకు?: అంబటి రాంబాబు (video)

అన్నీ చూడండి

ఆరోగ్యం ఇంకా...

winter health, జామ ఆకుల కషాయం చేసే మేలు తెలుసా?

ఈ అనారోగ్య సమస్యలున్నవారు ఉదయాన్నే గోరువెచ్చని నీటిని తాగరాదు

శీతాకాలంలో లవంగం దగ్గర పెట్టుకోండి, బాగా పనికొస్తుంది

winter tips, వెల్లుల్లిని ఇలా చేసి తింటే?

కాలిఫోర్నియా బాదంతో రెండు సూపర్‌ఫుడ్ రెసిపీలతో శీతాకాలపు ఆరోగ్యం ప్రారంభం

తర్వాతి కథనం
Show comments