టాలీవుడ్ స్టార్ రవితేజ బెంగాల్‌ టైగర్ సినిమాతో గతేడాది బిగ్గెస్ట్ హిట్‌ను దక్కించుకున్నాడు. కొత్త ద‌ర్శ‌కుడు చక్రి దర్శకత్వంలో రవితేజ ఓ సినిమాలో నటిస్తున్న సంగతి తెలిసిందే. ఈ సినిమాకే రాబిన్ హుడ్ అనే టైటిల్‌ను అనుకుంటున్నారు. గతంలో రవితేజ సినిమాలకు రైటింగ్ డిపార్ట్‌మెంట్‌లో పనిచేసిన చక్రి చెప్పిన స్టోరీ నచ్చడంతో అతనితో సినిమా చేసేందుకు రవితేజ ఓకే చెప్పేశాడు. ఈ చిత్రంలో రవితేజ ద్విపాత్రాభినయం పోషిస్తున్నారు.
రంజిత్ మూవీస్ బ్యానర్‌పై దామోదర్ ప్రసాద్ ఈ సినిమాని నిర్మించనున్నాడు. ఈ సినిమాలో హాట్ బ్యూటీ అయిన అమీ జాక్సన్‌ని హీరోయిన్‌గా పరిశీలిస్తున్నట్లు తెలుస్తోంది. సూపర్‌స్టార్ రజనీకాంత్, శంకర్ దర్శకత్వంలో వస్తున్న భారీ బడ్జెట్ సినిమా రోబో-2లో అమీజాక్సన్ కీలక పాత్ర పోషిస్తున్న సంగతి తెలిసిందే. అమీజాక్సన్‌కు బిజీబిజీగా ఉండటంతో వీరి ప్రాజెక్టుకు ఓకే చెబుతుందో లేదో అనేది తెలియాలి.
రాబిన్ హుడ్ టైటిల్‌తో వస్తున్న ఈ సినిమా వచ్చే నెల నుంచి సెట్స్‌పైకి వెళ్లనుంది. ఇప్పటికే సినిమాకు సంబంధించిన ఫ్రీ ప్రొడక్షన్ పనులు పూర్తయ్యాయని చిత్ర యూనిట్ వెల్లడించింది. వేణు శ్రీరామ్ దర్శకత్వంలో రవితేజ న‌టించే సినిమా విష‌య‌మై కాస్త జాప్యం జరుగుతోంది. సో ఈ గ్యాప్‌లో రాబిన్‌హుడ్‌లో న‌టించ‌డానికి రవితేజ స‌న్నాహాలు చేసుకుంటున్నారు.
అలాగే ఈ సినిమాలో రవితేజ సరసన హీరోయిన్‌గా అమీ జాక్సన్‌తో పాటు రాశిఖన్నా నటిస్తున్నట్లు తెలుస్తోంది. తొలుత అమీ జాక్సన్ పేరు పరిశీలించినప్పటికీ ఆమె ఇతర సినిమాలతో బిజీగా ఉండటంతో డేట్స్ సర్దుబాటు చేయలేకపోవడంతో రాశిఖన్నాను హీరోయిన్‌గా ఖరారు చేసినట్లు తెలుస్తోంది.