ఇటీవల విడుదలై సంచలన విజయం సాధించిన "కుమారి 21 ఎఫ్" తరహాలో ఆస్కార్ కృష్ణ దర్శకత్వంలో రూపొంది ఘన విజయం సొంతం చేసుకున్న కన్నడ చిత్రం "మిస్ మల్లిక". రూపా నటరాజన్, రంజన్ శెట్టి, శ్వేత, విక్రమ్ నటించిన ఈ చిత్రం తెలుగులో "కుమారి మల్లిక" పేరుతో విడుదలవుతోంది. శ్రీ కాణిపాకం వరసిద్ధి వినాయక పిక్చర్స్ పతాకంపై డి.పూర్ణకళ-తపస్య కృష్ణ సమర్పణలో బెజవాడ రమణ ఈ చిత్రాన్ని తెలుగులో నిర్మిస్తున్నారు.
వంశీకిరణ్ రెడ్డి-స్వర్ణ శ్రీనివాస్ నిర్మాణ సారధులు. అన్ని కార్యక్రమాలు పూర్తిచేసుకున్న ఈ చిత్రం ఫిబ్రవరి 12న ఆంధ్ర-తెలంగాణ రాష్ట్రాల్లో విడుదలవుతోంది. ఈ సందర్భంగా నిర్మాత బెజవాడ రమణ మాట్లాడుతూ.. "సైబర్ క్రైమ్ నేపధ్యంలో సాగే ఈ చిత్రం కన్నడలో సంచలన విజయం సాధించింది. బెంగళూర్‌లో 365 రోజులు ప్రదర్శించబడి చరిత్ర సృష్టించింది. తెలుగులోనూ మంచి విజయం సాధిస్తుందనే నమ్మకం ఉంది" అన్నారు.