హాలీవుడ్‌లో బాలీవుడ్ ముద్దుగుమ్మ దీపికా పదుకునే తొలి సినిమా షూటింగ్ ప్రారంభమైంది. హాలీవుడ్ యాక్షన్ స్టార్ విన్ డీజిల్‌తో కలిసి XXX రెండవ పార్ట్‌లో దీపిక నటిస్తున్న సంగతి తెలిసిందే. ఇప్పటికే టొరంటోకు దీపిక వెళ్ళింది. ఈ నేపథ్యంలో తొలిరోజు షూటింగ్ సెట్స్‌లో దీపికా పదుకునే, విన్ డీజిల్ సన్నివేశాలు ఫస్ట్ లుక్ అంటూ విడుదలయ్యాయి.
విన్ డీజిల్ తన ఇన్ స్టాగ్రామ్ ద్వార్ దీనిని పోస్టు చేశాడు. ఈ ఫోటోను అనేకమంది లైక్ చేస్తున్నారు. నెటిజన్లను అమితంగా ఆకట్టుకుంటున్న ఈ సినిమాలో దీపికా సెరీనాగానూ, డీజిల్ జాండర్‌గా నటిస్తున్నారు.
ఇకపోతే.. కెనడాలోని టొరంటోలో ద రిటర్న్ ఆఫ్ గ్జాండర్ కేజ్ షూటింగ్ ప్రారంభమైంది. ఇటీవల ఫిల్మ్ ఫేర్‌లో ఉత్తమ నటి అవార్డును దక్కించుకున్న దీపికా గ్జాండర్ కేజ్ సినిమాలో సెరీనా పాత్రను పోషిస్తోంది. ఆ మూవీకి డీజే కరుసో దర్శకుడు. రసూల్ కార్పెంటర్ కెమెరా వర్క్ అందిస్తున్నారు.
ఇక ఈ సినిమా కోసం దీపికా పదుకునే బాగా కసరత్తులు చేస్తుంది. స్టంట్స్ నేర్చుకుంటోంది. XXX సిరీస్‌లో వస్తున్న రెండవ మూవీ 2017లో విడుదల కానుంది.