ఇటు టాలీవుడ్, అటు కోలీవుడ్‌లో లేడీ అమితాబ్‌గా గుర్తింపు తెచ్చుకున్న నయనతార... పలు చిత్రాల్లో నటిస్తూ అగ్ర హీరోయిన్‌గా రాణిస్తోంది. అయితే, ఈమె నటించే చిత్రాలకు జరిగే ప్రమోషన్స్ కార్యక్రమాలకు ఆమె డుమ్మా కొడుతున్నారు. దీనిపై అనేక రకాలైన విమర్శలు వచ్చినా ఆమె ఐ డోంట్ కేర్ అంటోంది.
తాజాగా మెగాస్టార్ చిరంజీవి నటించిన "సైరా నరసింహా రెడ్డి" చిత్రంలో నటించిన నయనతార ఆ సినిమా ప్రమోషన్ కార్యక్రమాలకు కూడా దూరంగా ఉన్నారు. నిజానికి ఈ చిత్రం అక్టోబరు రెండో తేదీన విడుదలై బ్లాక్‌బస్టర్ హిట్‌ను సొంతం చేసుకుంది. దీంతో సినిమాను మరింతగా ప్రమోట్ చేసుకునేందుకు యూనిట్ మొత్తం ప్రయత్నిస్తున్న వేళ, నయనతార మాత్రం ఎక్కడా కనిపించడం లేదు.
అసలు సినిమా ప్రీ ఈవెంట్‌కు కూడా ఆమె రాలేదు. సినిమా విడుదల తర్వాత కూడా ఎక్కడా కనిపించలేదు. దీనిపై విమర్శలు వెల్లువెత్తుతుండగా, అందుకు కారణాన్ని తన సన్నిహితుల వద్ద చెప్పుకుని వాపోయిందట నయన్. తాను ఏదైనా సినిమా ప్రారంభోత్సవాల్లో పాల్గొన్నా, ప్రమోషన్స్‌కు వచ్చినా, అవన్నీ ఫ్లాప్ అయ్యాయని, ఆ సెంటిమెంట్‌తోనే తాను బయటకు రావడం లేదని చెప్పిందట. నయన్ మాటలు బయటకు వచ్చిన తర్వాత, ఆమె ఇంత సెంటిమెంటలా అని అభిమానులు చర్చించుకుంటున్నారు.