బాహుబలిని కట్టప్ప ఎందుకు చంపాడు? ఆ రహస్యం ఆ ముగ్గురికే తెలుసునట!
బాహుబలి 2 సినిమా ఎప్పుడెప్పుడు రిలీజ్ అవుతుందోనని ప్రపంచ వ్యాప్తంగా అభిమానులు ఆసక్తిగా ఎదురుచూస్తున్నారు. ఈ నేపథ్యంలో బాహుబలిని కట్టప్ప ఎందుకు చంపాడు అనే ప్రశ్నకు బాహుబలి 2 నుంచి సమాధానం తెలుసుకోవాలి.
బాహుబలి 2 సినిమా ఎప్పుడెప్పుడు రిలీజ్ అవుతుందోనని ప్రపంచ వ్యాప్తంగా అభిమానులు ఆసక్తిగా ఎదురుచూస్తున్నారు. ఈ నేపథ్యంలో బాహుబలిని కట్టప్ప ఎందుకు చంపాడు అనే ప్రశ్నకు బాహుబలి 2 నుంచి సమాధానం తెలుసుకోవాలి. బాహుబలి 2లో కట్టప్ప బాహుబలిని ఎందుకు చంపాడనే రహస్యం రాజమౌళికి మాత్రమే తెలుసునని అందరూ అనుకున్నారు. అయితే బాహుబలిని కట్టప్ప ఎందుకు చంపాడనే రహస్యం ప్రస్తుతం సినీ ఇండస్ట్రీలోని ముగ్గురికి తెలిసిపోయిందని సినీ జనం అంటున్నారు.
ఆ ముగ్గరు ఎవరంటే..? కట్టప్పగా నటించిన సత్యరాజ్, బాహుబలిగా నటించిన ప్రభాస్, ఈ బాహుబలిని కట్టప్ప చంపే సన్నివేశాల చిత్రీకరణకు ఏర్పాట్లు చేసిన నిర్మాత శోభు యార్లగడ్డ. ప్రస్తుతం ఈ ప్రశ్నపై వందల కోట్ల వ్యాపారం ఆధారపడినందువల్ల ఈ ప్రశ్నకు సమాధానం ఎట్టిపరిస్థితుల్లో బయటకు పొక్కకుండా రాజమౌళి తగిన చర్యలు తసుకుంటున్నాడని సమాచారం.
ఇంకా ఈ సన్నివేశాలను షూట్ చేసేటప్పుడు.. యూనిట్ సభ్యులకు తెలిసిపోతుందనుకున్న రాజమౌళి కేవలం ముగ్గురు వ్యక్తుల మధ్య చిత్రీకరించాడట. ఈ సన్నివేశం చిత్రీకరణ ప్రాంతంలో కట్టప్ప, బాహుబలి, శోభు యార్లగడ్డ మినహా ఎవ్వరూ లేకుండా చూసుకున్నాడట. ఈ సినిమాకు సంబంధించిన సన్నివేశాలు చిత్రీకరించడం.. వాటిని బయటికి పొక్కనీయకుండా చేయడంలో జక్కన్న పలు జాగ్రత్తలు తీసుకుంటున్నాడని తెలిసింది.