బాలీవుడ్ నిరుపమాన నటుడు ఓంపురి హత్యకు గురయ్యాడా? హిందీ చలనచిత్ర పరిశ్రమలో సీనియర్ నటుడుగా సమాంతర చిత్రాల దిగ్గజ నటుడిగా పేరొందిన ఓంపురు తీవ్రమైన గుండెపోటుతో చనిపోయినట్లు మొదట్లో వార్తలువచ్చినా మరణించిన తీరుపై కొత్త కథనాలు ఎన్నో అనుమానాలను రేకెత్తిస్తున్నాయి..
ఓంపురి మరణంపై అనుమానాలు తలెత్తుతున్న సందర్భంగా పోలీసులు విచారణను తీవ్రతరం చేశారు. గుండెపోటుతోనే తాను చనిపోయినట్లు మొదట్లో భావించిన పోలీసులు మొదట్లో యాక్సిడెంటల్ డెత్ నివేదికను నమోదు చేశారు. కానీ ఓంపురి కారు డ్రైవర్ చెబుతున్న తాజా కథనాన్ని చూస్తే ఆయన మరణంపై అనుమానాలు ప్రబలుతున్నాయి.
వాస్తవానకి ఓంపురి ఇంట్లో ఒంటరిగా ఉండగా తాను చనిపోవడం సంభవించింది. ఆయన మరణ కారణాలను ఇంకా వైద్యులు బయటపెట్టలేదు. పోస్టు మార్టెమ్ నివేదిక రావడానికి మరో రెండు వారాలు పడుతుంది.
ఈలోగా అనుమానాల నివృత్తికోసం ఓంపురి డ్రైవర్‌ని విచారించిన పోలీసులకు దిగ్భ్రాంతికరమైన విషయాలు తెలిశాయి. ఓంపురి తన ఇంట్లోని వంటగదిలో నగ్నదేహంతో కనిపించాడని, తన తలకు గాయం ఉండటం గమనించానని, డ్రైవర్ తెలిపాడు. పైగా గుండెపోటుతోనే ఓంపురి చనిపోయారా అనే ప్రశ్నకు సమాధానం చెప్పని డ్రైవర్ ఖచ్చితంగా ఆ విషయం నాకు తెలియదని, పోలీసుల విచారణలోనే నిజం బయటకు రావచ్చని పేర్కొన్నాడు.
ఓంపురి వంటి సహజ నటుడి మరణంలో అసహజ విషయాలు తలెత్తుతున్న నేపథ్యంలో ఆయన భార్యతో సహా సమీప బంధువులను పోలీసులు ప్రశ్నిస్తున్నట్లు సమాచారం.