బాలీవుడ్ హీరో షాహిద్ కపూర్ చిక్కుల్లో పడ్డాడు. అయితే తాజాగా షాహిద్, విజయ సేతుపతి, రాశికన్నా, రెజినాతో కలిసి 'సన్నీ' అనే వెబ్ సిరీస్ లో నటిస్తున్నాడు. అయితే ఈ సిరీస్ లో భాగంగా యాక్సిడెంట్ సన్నివేశాన్ని ముంబైలోని వాసాయ్‌లో చిత్రీకరించారు.
ఆ సీన్‌లో యాక్సిడెంట్ జరిగి.. రోడ్డుపై కరెన్సీ నోట్టు కుప్పలు కుప్పలుగా పడిపోతాయి. అయితే. ఈ సీన్ షూట్ చేయడం కోసం.. నకిలీ నోట్లను ఉపయోగించారు. కానీ షూటింగ్ అయిపోయాక.. ఆ నోట్లను తీయడం మర్చిపోయారు యూనిట్ సభ్యులు.
దీంతో ఆ ప్రాంతంలో గందరగోళం నెలకొంది. అవి నిజమైన డబ్బులే అనుకొని ఏరుకునేందుకు ఎగబడ్డారు. స్వల్ప ఉద్రికత కూడా ఏర్పడింది. కానీ, అసలు విషయం తెలుసుకొని నిరాశతో వెనుదిరిగారు. ఈ విషయంపై కొంతమంది పోలీసులకు ఫిర్యాదు చేశారు. ఈ కేసును విచారిస్తున్నారు.
దీని మీద చిత్ర యూనిట్ మాట్లాడుతూ.. షూటింగ్ అయిపోయకా.. ఆ నకిలీ నోట్లను తీసివేశాం.. కానీ ఆ నకిలీ నోట్లు మళ్లీ అక్కడికి ఎలా వచ్చాయో తెలియడం లేదు. మహాత్ముడుని అవమానించాలనే ఆలోచన ఏ మాత్రం వారికీ లేదని తెలిపారు.