చెర్రీ మూవీలో విలన్‌గా 'రక్తచరిత్ర' పరిటాల రవి

మెగా పవర్ స్టార్ రామ్ చరణ్ హీరోగా బోయపాటి శ్రీను దర్శకత్వంలో ఓ చిత్రం తెరకెక్కుతోంది. "రంగస్థలం" వంటి మెగా హిట్ మూవీ తర్వాత చెర్రీ చేస్తున్న మూవీ. ఈ చిత్రంలో బాలీవుడ్ స్టార్ హీరో, 'రక్తచరిత్ర' చిత్రంల

మెగా పవర్ స్టార్ రామ్ చరణ్ హీరోగా బోయపాటి శ్రీను దర్శకత్వంలో ఓ చిత్రం తెరకెక్కుతోంది. "రంగస్థలం" వంటి మెగా హిట్ మూవీ తర్వాత చెర్రీ చేస్తున్న మూవీ. ఈ చిత్రంలో బాలీవుడ్ స్టార్ హీరో, 'రక్తచరిత్ర' చిత్రంలో పరిటాల రవి పాత్రలో నటించిన వివేక్ ఓబెరాయ్ విలన్‌గా నటిస్తున్నారు.

నిజానికి రక్తచరిత్ర చిత్రంలో వివేక్ ఓబెరాయ్ అద్భుతమైన నటను ప్రదర్శించిన విషయం తెల్సిందే. ప‌రిటాల ర‌వి పాత్రలో ఆయన జీవించాడు. అభిమానుల గుండెల్ని ట‌చ్ చేశాడు. మొర‌టు ఆకారం, మాట తీరుతో అత‌డు తెర‌పై రియ‌ల్ ఫ్యాక్ష‌నిస్టుని త‌ల‌పించారు. 

దీంతో ఆయనకు టాలీవుడ్‌లో మంచి ఫాలోయింగ్ ఏర్పడింది. అలాగే, బాలీవుడ్ చిత్రం "క్రిష్‌-3"లో కూడా విలన్‌గా నటించి చిన్నాపెద్దా అనే తేడా లేకుండా ఫ్యాన్స్‌ను సంపాదించుకున్నారు. 

అలాంటి వివేక్ ఓబెరాయి... మిస్టర్ సి - బోయపాటి చిత్రంలో ఒబేరాయ్‌ విల‌న్‌గా న‌టిస్తున్నారు. ఈ వార్త బయటకు పొక్కగానే ప్రతి ఒక్కరిలోనూ ఒక‌టే క్యూరియాసిటి ఏర్పడింది. ఈ చిత్రంలో వివేక్ ఒబెరాయ్ విల‌నిజం ఏ స్థాయిలో ఉంటుందోనని అభిమానులు ఆస‌క్తిగా వేచి చూస్తున్నారు.