సూర్య నటించిన ''24'' మూవీ హిట్‌తో మాంచి ఊపుమీదున్న దర్శకుడు విక్రమ్ కుమార్ ఓ ఇంటివాడు కాబోతున్నాడు. ఎట్టకేలకు బ్రహ్మచర్యానికి స్వస్తి చెప్పి తను ప్రాణంగా ప్రేమించిన అమ్మాయినే పెళ్లాడ్డానికి సిద్ధపడ్డాడు. రెహ్మాన్ దగ్గర సౌండ్ ఇంజనీర్‌గా పనిచేస్తున్న శ్రీనిధి అనే అమ్మాయితో చాలాకాలంగా విక్రమ్ కుమార్ ప్రేమాయణం కొనసాగిస్తున్నాడు. 'ఇష్క్', 'మ‌నం', '24' లాంటి వైవిధ్య‌మైన సినిమాల‌తో తెలుగు ప్రేక్ష‌కుల‌కు మరింతగా దగ్గరయ్యాడు దర్శకుడు విక్రమ్ కుమార్. ''24'' మూవీతో దక్షిణాదిలో ఇంటిలిజెంట్ డైరెక్ట‌ర్‌గా పేరు తెచ్చుకున్నాడు.
వయసులో కూడా పెద్దవాడిలాగే కనిపిస్తాడు. అలాంటిది విక్ర‌మ్‌కి పెళ్లి కాలేదంటే ఎవ్వరూ నమ్మరు. తను ప్రేమించిన అమ్మాయితోనే విక్ర‌మ్‌కు ఆదివారం నిశ్చితార్థం జరిగింది. విక్రమ్ కేరీర్‌లోనే బిగ్గెస్ట్ హిట్ మూవీగా తెర‌కెక్కిన ''24'' మూవీ టైంలో శ్రీనిధితో పరిచయమై.. ఇద్దరి అభిరుచులు కలిసి పెళ్లి చేసుకోవాలని నిర్ణయించుకున్నారు. వీరి ప్రేమను పెద్దలు అంగీకరించడంతో సెప్టెంబ‌ర్‌లో వీరి వివాహం జ‌ర‌ుగ‌నుంది. ఆ త‌ర్వాత విక్రమ్ త‌న నెక్ట్స్ మూవీని ప‌ట్టాలెక్కించ‌నున్నాడని టాలీవుడ్ వర్గాలు అంటున్నాయి.