'మహానటి'లో ఏఎన్నార్ పాత్రలో విజయ్

ప్రముఖ నిర్మాత సి.అశ్వనీదత్ సొంత బ్యానెర్ వైజయంతి మూవీస్‌‌పై అలనాటి అందాల నటి సావిత్రి జీవితాధారంగా తెరకెక్కుతున్న చిత్రం 'మహానటి'. ఇందులో ప్రధాన పాత్రలో కీర్తి సురేశ్‌ నటిస్తున్నారు. ఈ చిత్రంలో ఇటీవ

ప్రముఖ నిర్మాత సి.అశ్వనీదత్ సొంత బ్యానెర్ వైజయంతి మూవీస్‌‌పై అలనాటి అందాల నటి సావిత్రి జీవితాధారంగా తెరకెక్కుతున్న చిత్రం 'మహానటి'. ఇందులో ప్రధాన పాత్రలో కీర్తి సురేశ్‌ నటిస్తున్నారు. ఈ చిత్రంలో ఇటీవల వివాహం చేసుకున్న సమంత కూడా ఓ కీలక పాత్రలో కనిపించనున్నారు.

అయితే, తాజాగా 'అర్జున్ రెడ్డి' ఫేమ్ విజయ్‌ దేవరకొండ కూడా ఓ పాత్రలో కనిపించనున్నారట. అలనాటి మహా నటుడు అక్కినేని నాగేశ్వరరావుగా విజయ్ నటించనున్నారట. దీనికి కారణం మహానటి చిత్ర దర్శకుడు నాగ్‌ అశ్విన్‌, హీరో విజయ్‌ దేవరకొండలు మంచి స్నేహితులు కావడమేనట.

వీరిద్దరూ గతంలో ‘ఎవడే సుబ్రహ్మణ్యం’ చిత్రంలో కలిసి పనిచేశారు. అందుకే ఈ చిత్రంలో విజయ్‌ని అక్కినేని నాగేశ్వరరావు పాత్రకు ఎంపికచేసినట్లు ఫిల్మ్ నగర్ వర్గాల సమాచారం. ఇక ఎన్టీఆర్‌ పాత్రలో ఎవరు నటిస్తున్నారు అన్న విషయంపై స్పష్టత రాలేదు.

అదేసమయంలో మహానటిలో అలనాటి విలక్షణ నటుడు ఎస్వీ రంగారావు పాత్రలో మోహన్‌బాబు, శివాజీ గణేశన్‌ పాత్రలో దుల్కర్‌ సల్మాన్‌‌లు నటించనున్న విషయం తెల్సిందే. వీరితోపాటు దర్శకుడు క్రిష్‌, ప్రకాశ్‌‌రాజ్‌ కీలక పాత్రలు పోషిస్తున్నారు. కీర్తి సురేశ్‌ పుట్టినరోజు సందర్భంగా చిత్ర ఫస్ట్‌లుక్‌ను ఇటీవల విడుదల చేశారు.