మాస్ మహారాజాకు చుక్కలు చూపించనున్న వరలక్ష్మీ శరత్ కుమార్ (Video)

తెలుగులో 'తెనాలి రామకృష్ణ బీఏ బీఎల్' సినిమాలో వరలక్ష్మి శరత్ కుమార్ చేసిన విలన్ రోల్ ప్రేక్షకులకు బాగా గుర్తుండిపోయింది. ప్రస్తుతం ఆమె రవితేజ హీరోగా గోపీచంద్ మలినేని రూపొందిస్తున్న 'క్రాక్' సినిమాలో నటిస్తోంది. ఈ సినిమాలో ఆమె నెగెటివ్ షేడ్స్ కలిగిన పాత్రను చేస్తున్నట్టుగా వార్తలు వచ్చాయి. అయితే ఈ సినిమాలో తనే మెయిన్ విలన్ అనేది తాజా సమాచారం. 

తన భర్తను అంతం చేసిన హీరోపై పగ తీర్చుకునే విలన్ పాత్రలో ఆమె కనిపించనుందని అంటున్నారు. అందుకు సంబంధించిన సన్నివేశాల్లో ఆమె నటన, ఈ సినిమాకి హైలైట్‌గా నిలుస్తుందని సమాచారం. ఈ రోల్ వరలక్ష్మీ శరత్ కుమార్‌కి తప్పకుండా ఈ సినిమా తెలుగులో బ్రేక్ ఇస్తుందని టాక్ వస్తోంది.

నిజ జీవిత సంఘటనల ఆధారంగా రానున్న క్రాక్ సినిమా ర‌వితేజ 66వ చిత్రంగా తెరకెక్కుతుంది. ఈ మూవీలో రవితేజ సరసన శ్రుతి హాసన్ హీరోయిన్ గా నటిస్తోంది. ఠాగూర్ మధు ఈ సినిమాను నిర్మిస్తున్నారు. ఇక రవితేజ నటించిన డిస్కో రాజా ఇటీవల విడుదలై పెద్దగా ఆకట్టుకోలేకపోయింది. దాంతో క్రాక్ సినిమా పైనే రవితేజ తన ఆశలన్నీ పెట్టుకున్నాడు.