పవన్ కల్యాణ్- అల్లు అర్జున్‌ల గొడవ ఎందుకు? డ్యాన్స్‌పై కామెంట్సే కారణమా?

''సర్దార్ గబ్బర్ సింగ్'' సినిమా ప్రమోషన్‌లో భాగంగా.. రామ్ చరణ్, ఎన్టీఆర్‌లా నేను డ్యాన్సులు చేయలేనని పవన్ కల్యాణ్ చెప్పాడు. ఈ డ్యాన్స్‌పై పవన్ కామెంట్సే స్టైలిష్ స్టార్ అల్లు అర్జున్‌కు కోపం తెప్పించాయని టాలీవుడ్ వర్గాల సమాచారం.

కెరీర్ ప్రారంభం నుంచి తన సూపర్ డ్యాన్స్‌తో మెగా అభిమానుల్లో ఉత్సాహం నింపిన అల్లు అర్జున్ గురించి పవన్ కల్యాణ్ ఆ ఇంటర్వ్యూలో ఏమీ చెప్పకపోవడంపై ఆయన గుర్రుగా ఉన్నట్లు తెలిసింది. అందుకే సరైనోడు సినిమాకు తర్వాత ఇచ్చిన ఓ ఇంటర్వ్యూలో కూడా పవన్ కల్యాణ్ గురించి మాట్లాడను బ్రదర్ అంటూ టాపిక్ మార్చేశాడు. 

అయితే వీరిద్దరి గొడవపై ఫ్యాన్స్ లైకులు, పోస్టులతో అభిప్రాయాలను వెల్లడిస్తున్నారు. మొన్నటి వరకు కామ్‌గా ఉన్న పవన్ ఫాన్స్ ఒక్క సారిగా బన్నీకి వ్యతిరేకంగా కామెంట్స్ చేస్తున్నారు. వారికి వచ్చిన డైలాగ్స్‌తో బన్నీపై సెటైర్లు వేస్తూ రచ్చ చేస్తున్నారు. అదే స్థాయిలో బన్నీని సప్పోర్ట్ చేస్తూ అల్లు అభిమానులు కూడా రంగంలోకి దిగారు. 

ఈ గొడవ కోసం కొందరేమో ప్రజారాజ్యం పార్టీ సమయంలోనే అల్లు ఫ్యామిలీకి పవన్ కాస్త గొడవలు ఉన్నాయని అందుకే బహుశా పవన్ బన్నీ గురించి మాట్లాడి ఉండడేమో అనే సందేహాన్ని కూడా వ్యక్తపరుస్తున్నారు. మరి దీనిపై పవన్ కల్యాణ్ ఏమంటారో వేచిచూడాలి.