ప్రముఖ దర్శకుడు శ్రీకాంత్ అడ్డాల దగ్గర అసోసియేట్ డైరెక్టర్‌గా వర్క్ చేసిన యం. ముత్తు దర్శకుడిగా పరిచయం అవుతున్న సినిమా చిక్లెట్స్. తెలుగు, తమిళ్ భాషల్లో ఏకకాలంలో రూపొందుతున్న ఈ సినిమాను యూత్ ఫుల్ ఎంటర్‌టైనర్‌గా తెరకెక్కిస్తున్నారు దర్శకుడు.
ఈ సినిమాలో బాలనటుడిగా సుపరిచితుడైన సాత్విక్ వర్మ, జాక్ రాబిన్ సన్, రీజీమ్ హీరోలుగా నటిస్తుండగా.. నయన్ కరిష్మా, అమిర్తా హల్దార్, మంజీరాలు హీరోయిన్స్‌గా నటిస్తున్నారు. SSB ఫిల్మ్ బ్యానర్‌లో ఏ శ్రీనివాసన్ గురు ఈ సినిమాను రెండు భాషల్లో నిర్మిస్తున్నారు. పూర్తి యూత్ కంటెంట్‌తో ఈ చిత్రాన్ని దర్శకుడు తెరకెక్కించారు. బాలమురళి బాలు సంగీతాన్ని అందిస్తున్నారు. అజిత్ వలిమై సినిమాకు ఎడిటర్‌గా పనిచేసిన విజయ్ వేలుకుట్టి ఈ సినిమాను ఎడిట్ చేస్తున్నారు. కొలంచి కుమార్ సినిమాటోగ్రఫీ అందిస్తున్నారు. తాజాగా ఈ సినిమా ఫస్ట్ లుక్‌ను దర్శకుడు శ్రీకాంత్ అడ్డాల విడుదల చేసారు.