తమిళంలో సూపర్‌స్టార్ అయిన దళపతి విజయ్‌కి తెలుగులో కూడా మంచి మార్కెట్ ఉంది. ప్రస్తుతం దర్శకుడు లోకేష్ కనకరాజ్ తెరకెక్కిస్తున్న దళపతి64 సినిమాపై భారీ అంచనాలు నెలకొనగా కొద్దిరోజులుగా ఈ టైటిల్ కోసం అభిమానులు ఎంతగానో ఎదురుచూస్తున్నారు. తాజాగా ఈ సినిమాకు మాస్టర్ అనే టైటిల్‌ను అనౌన్స్ చేయడంతో పాటుగా న్యూఇయర్ కానుకగా ఓ ఫోటోను కూడా విడుదల చేశారు. ఇక ఈ టైటిల్, ఫోటో సోషల్ మీడియాలో వైరల్‌గా మారాయి.
ఇక ప్రకటించిన కొద్ది నిమిషాల్లోనే భారతదేశం మొత్తంలో ఇది ట్రెండింగ్‌గా మారింది. ట్విట్టర్‌లో 1000k మంది ట్వీట్ చేయగా, సామాజిక మీడియాలో ఈ సినిమా కాలేజ్ బ్యాక్ డ్రాప్‌లో సాగుతుందని, ఇందులో విజయ్ కాలేజ్ ప్రొఫెసర్‌గా నటిస్తున్నారని పలువార్తలు మీడియాలో చక్కర్లు కొడుతున్నాయి. ఈ సినిమాలో విజయ్ సేతుపతి విలన్ పాత్రను పోషిస్తున్నారు. ఎంతో విభిన్నంగా తీర్చిదిద్దుతున్న ఈ పాత్రలో విజయ్‌ను సెకండ్ లుక్‌లో విడుదల చేయాలని భావిస్తోంది చిత్ర యూనిట్.