ఆయ్’ సినిమా కథ విన్నప్పుడు నేనెలాగైతే ఎంజాయ్ చేశానో.. థియేట‌ర్స్‌లో ఆడియెన్స్ ఇప్పుడ‌లా ఎంజాయ్ చేస్తున్నారని నిర్మాత బన్నీ వాస్ అన్నారు. నార్నే నితిన్, నయన్ సారికలు హీరో హీరోయిన్లు GA2 పిక్చర్స్ బ్యానర్‌పై అల్లు అరవింద్ సమర్పణలో బన్నీ వాస్, విద్యా కొప్పినీడి నిర్మాతలుగా వచ్చిన చిత్రం ‘ఆయ్’. ఈ సినిమాకు అంజి కే మణిపుత్ర దర్శకత్వం వహించారు. ఆగస్ట్ 15న ఈ చిత్రాన్ని గ్రాండ్‌గా విడుదల చేశారు. సినిమా సూపర్ హిట్ టాక్ తెచ్చుకుంది. ఈ సంద‌ర్భంగా నిర్మాత బన్నీ వాస్ పలు విశేషాలను తెలియజేశారు..
- ఆయ్ సినిమా షోస్ పెంచాల‌ని ఎగ్జిబిటర్లు డిమాండ్ చేస్తున్నారు. మేం కూడా పెంచుతున్నాం. డిస్క‌ష‌న్స్ జ‌రుగుతున్నాయి.
- నా లైఫ్‌లో గ్రేట్ రిలేష‌న్స్ ఉన్నాయంటే ఫ్రెండ్ షిప్. నేను ఈ స్టేజ్‌లో ఉన్నానంటే నా స్నేహితులే కార‌ణం. బ‌న్నీగార‌నే కాదు. చాలా మంది స్నేహితులు ఎస్‌.కె.ఎన్‌, మారుతి వంటి వారున్నారు. అలాంటి నాకు ఫ్రెండ్ షిప్ కథ వ‌చ్చిప్పుడు నేను క‌నెక్ట్ కాకుండా ఎందుకుంటాను.
- చిన్న సినిమా తీసి పెద్ద స‌క్సెస్ కొట్టిన‌ప్పుడు ఆ కిక్ వేరే ఉంటుంది. కథ, జోన‌ర్‌ను బ‌ట్టి సినిమా చేయాలి.. సినిమా పెద్ద‌దైనా, చిన్న‌దైనా రెంటింటికి ప‌డే క‌ష్ట‌మొక‌టే.
- తండేల్ సినిమా షూటింగ్ జ‌రుగుతుంది. డిసెంబ‌ర్‌లో రిలీజ్ అనుకున్నాం. అయితే అదే నెల‌లో పుష్ప 2 వ‌స్తుంది. గేమ్ చేంజ‌ర్ రిలీజ్‌ను కూడా అనుకుంటున్నారు. తండేల్ సినిమాకు సంబంధించి సీజీ వ‌ర్క్ మీద ఎక్కువ ఫోక‌స్ చేయాల్సి ఉంది. అవ‌న్నీ చూసుకునే ద‌స‌రా త‌ర్వాతే తండేల్ రిలీజ్ డేట్ మీద క్లారిటీ వ‌స్తుంద‌నుకుంటున్నాను అని తెలిపారు.