తమన్నా షూటింగ్‌ షురూ.. రాజమౌళి పిలుపు కోసం వెయిటింగ్..!

బాహుబలి-2లో.. తన వంతు ఇంకా రాలేదనీ.. రాజమౌళి పిలుపుకోసం ఎదురుచూస్తున్నానని.. ఇటీవలే వెల్లడించిన తమన్నా.. జులైలో ఆమె షూటింగ్‌లో పాల్గొననుంది. రెండవ భాగంలో అవంతిక పాత్రలో తమన్నా మళ్లీ నటించే సమయం వచ్చేసింది. ప్రస్తుతం ఈ సినిమాకి సంబంధించిన పోరాట సన్నివేశాలను తెరకెక్కించడానికి రాజమౌళి సన్నాహాలు చేస్తున్నాడు.

ఈ నేపథ్యంలో తాను జూలై నుంచి ఈ సినిమా షూటింగులో పాల్గొననున్నట్టు తమన్నా చెప్పింది. అవంతికకి తగిన విధంగా తాను మారే ప్రయత్నంలో ఉన్నాననీ, జూలై నుంచి ఈ సినిమా షూటింగులో తాను జాయిన్‌ కానున్నానని అంది. ఆ సమయం కోసం ఆత్రుతగా ఎదురు చూస్తున్నానని చెప్పింది.