దర్శకరత్న దాసరి నారాయణరావు తన ప్రియశిష్యుడు మోహన్ బాబుకి విలువైన గిఫ్ట్‌ని అందజేయనున్నారు. మే నెల 5న దాసరి నారాయణరావు పుట్టినరోజు సందర్భంగా శృతిలయ ఆర్ట్స్ అకామి సండస్థ ప్రతి సంవత్సరం స్వర్ణకంకణాన్ని ప్రదానం చేస్తున్న విషయం తెలిసిందే. అయితే ఈ సంవత్సరం ఆ అరుదైన గౌరవాన్ని దాసరి నారాయణరావు శృతిలయ స్వర్ణకంకణాన్ని ప్రముఖ సినీనటుడు, నిర్మాత డాక్టర్ ఎం మోహన్ బాబుకి అందచేయాలని నిర్ణయించుకున్నారు.
మే 5న హైద్రాబాద్ రవీంద్ర భారతిలో జరిగే ఈ కార్యక్రమంలో తెలుగు సినిమా బహుముఖ ప్రజ్ఞా కథానాయకుడు, కలెక్షన్ కింగ్ మోహన్ బాబుకు ''దాసరి-శృతిలయ స్వర్ణకంకణం 2016'' పురస్కారాన్ని బహుకరిస్తామని స్వర్ణ కంకణ ముఖ్య సలహాదారులు కె.ధర్మారావు సగౌరవంగా తెలిపారు. ఈ కార్యక్రమానికి ముఖ్య అతిథులుగా తెలంగాణ రాష్ట్ర ఉపముఖ్యమంత్రి మెహమూద్ ఆలీ, ఎంపీ సుబ్బిరామిరెడ్డి, ప్రముఖ హిందీ నటుడు శత్రుఘ్న సిన్హా, నందమూరి బాలకృష్ణ, తదితరులు పాల్గొంటున్నారు.