ఫలించిన మెగాస్టార్ ప్రయత్నాలు.. సూర్య 'సింగం-3' రిలీజ్ వాయిదా.. ధృవకు తిరుగేలేదట...

మెగాస్టార్ చిరంజీవి చేసిన ప్రయత్నాలు ఫలించాయి. ఫలితంగా హీరో సూర్య 'సింగం 3' విడుదల వాయిదా పడింది. ముందుగా అనుకొన్న డిసెంబర్ 16న కాకుండా.. వారం రోజులు ఆలస్యంగా అంటే డిసెంబర్ 23న 'సింగం-3'వ తేదీన క్రిస్

మెగాస్టార్ చిరంజీవి చేసిన ప్రయత్నాలు ఫలించాయి. ఫలితంగా హీరో సూర్య 'సింగం 3' విడుదల వాయిదా పడింది. ముందుగా అనుకొన్న డిసెంబర్ 16న కాకుండా.. వారం రోజులు ఆలస్యంగా అంటే డిసెంబర్ 23న 'సింగం-3'వ తేదీన క్రిస్మస్ గిఫ్ట్‌గా ప్రేక్షకుల ముందుకు రానుంది. దీంతో.. 'ధృవ' కలెక్షన్స్ గండికొట్టే ప్రమాదమున్న "సింగం-3"ని వాయిదా వేయాలన్న మెగా ప్రయత్నాలు ఫలించినట్టయ్యింది.

రాంచరణ్- సురేందర్ రెడ్డి కలయికలో తెరకెక్కిన 'ధృవ' డిసెంబర్ 9న ప్రేక్షకుల ముందుకు రానుంది. ధృవకి వారం తేడాతో సూర్య 'సింగం-3' ప్రేక్షకుల ముందుకు రావాల్సి ఉంది. టాలీవుడ్‌లోనూ సూర్యకి మంచి మార్కెట్ ఉంది. దీంతో.. ధృవ కలెక్షన్స్‌కి గండిపడటం ఖాయమని మెగా కాంపౌండ్ భావించింది. ఈ నేపథ్యంలోనే 'సింగం-3'ని వాయిదా వేయించేందుకు రాంచరణ్ మామ, ధృవ నిర్మాత రంగంలోకి దిగాడని అప్పట్లో జోరుగా ప్రచారం జరిగింది.

ఇప్పుడు సింగం-3 వాయిదా పడటంతో అల్లు అరవింద్ ప్రయత్నాలు ఫలించినట్టయ్యింది. ఇక, ఇప్పుడు ధృవకి అడ్డులేదు. ఓ 15రోజుల పాటు బాక్సాఫీస్ దగ్గర ఏక చత్రాథిపత్యం కొనసాగించొచ్చు. ఇక, హరీ దర్శకత్వంలో సింగం సిరీస్‌లో భాగంగా సూర్య కథానాయకుడిగా తెరకెక్కిన చిత్రం 'సింగం-3'. అనుష్క, శృతిహాసన్ కథానాయికలు. ఈ మాస్ ఎంటర్టైనర్ బీ, సీ సెంటర్స్‌లలో హవా మాములుగా ఉండదు. ఓ అడుగు వెనకడుగు వేసిన సింహం పంజా విసరడం ఖాయమంటున్నారు చిత్రబృందం.