ఇటీవల నిర్మాణ రంగంపై దృష్టి పెట్టిన హీరో సూర్య వరుస చిత్రాలతో దూసుకుపోతున్నాడు. తాజాగా సూర్య 2డి ఎంటర్ టైన్ మెంట్ పతాకంపై ఓ బాలల చిత్రం చేస్తున్నారు. పాండిరాజ్ దర్శకత్వం వహిస్తున్న ఈ చిత్రానికి 'హైకూ' అనే టైటిల్‌ను ఖరారు చేశారు. అయితే ఇప్పుడు టైటిల్‌ను మార్చాలని అనుకుంటున్నారట. 'హైకూ' తమిళ పదం కాకపోవడంతో వినోదపన్ను మినహాయింపు దక్కని కారణంగానే టైటిల్ మార్చాలని నిర్ణయించారు.
అందుకోసం 'మా సినిమాకి మంచి టైటిల్ చెప్పండి' అంటూ పాండిరాజ్ ట్విట్ చేశారు. ప్రత్యేక బాలలకు అంకితం చేస్తూ పాండిరాజ్ తెరకెక్కించిన ఈ చిత్రం షూటింగ్ పూర్తి చేసుకుని విడుదలకు సిద్ధమవుతోంది. ఈ చిత్రంలో సూర్య, అమలాపాల్ అతిథి పాత్రల్లో ఇద్దరు పిల్లలకు తల్లిదండ్రులుగా నటించారు. కొత్త టైటిల్ ఖరారు అయిన వెంటనే విడుదల చేసిన ప్రకటిస్తామని పాండిరాజ్ తెలిపారు.