జానీ మాస్టర్‌కు ఊరట.. బెయిల్ రద్దు పిటిషన్‌ను డిస్మిస్ చేసిన సుప్రీం

కొరియోగ్రాఫర్‌ జానీ మాస్టర్ బెయిల్‌ను రద్దు చేయాలని సుప్రీం కోర్టులో దాఖలు చేసిన పిటిషన్‌ను ధర్మాసనం కొట్టేసింది. జానీ మాస్టర్ బెయిల్‌ రద్దు చేయాలన్న పిటిషన్‌ను ఉన్నత న్యాయస్థానం కొట్టేసింది. హైకోర్టు ఉత్తర్వుల్లో జోక్యం చేసుకోలేమని స్పష్టం చేశారు.

ఈ మేరకు తెలంగాణ హైకోర్టు జానీ మాస్టర్‌కు ఇచ్చిన బెయిల్ పిటిషన్ రద్దు చేయాలంటూ బాధితురాలు సుప్రీం కోర్టును ఆశ్రయించారు. దీంతో శుక్రవారం సుప్రీంకోర్టులో ఈ పిటిషన్‌పై విచారణ జరిగింది. అయితే ఈ పిటిషన్ విషయంలో జానీ మాస్టర్‌కు ఊరట లభించింది. సుప్రీం కోర్టు ధర్మాసనం పిటిషను డిస్మిస్ చేసింది. 

ఇకపోతే.. తనను లైంగికంగా వేధించారంటూ తోటి మహిళా కొరియోగ్రాఫర్‌ జామీ మాస్టర్‌పై కేసు నమోదు చేసిన విషయం తెలిసిందే. ఈ నేపథ్యంలో జానీ మాస్టర్‌ను అరెస్ట్‌ చేయగా ఆయన బెయిల్‌ మీద బయటకు వచ్చారు. 37 రోజుల పాటు జైలులో ఉన్న జానీ మాస్టర్‌కు రంగారెడ్డి జిల్లా కోర్టు అక్టోబర్‌ 24వ తేదీన బెయిల్‌ను అందించారు.