స్టైలిష్ స్టార్ అల్లు అర్జున్ పుష్ప సినిమా దేశ వ్యాప్తంగా భారీ విజయం సాధించిన సంగతి తెలిసిందే. ఈ సినిమా హిందీలో అయితే 'పుష్ప' సినిమా అనుకున్న దానికంటే ఎక్కువ విజయం సాధించింది. నార్త్ లో 'పుష్ప' ఫీవర్ తో జనాలు ఊగిపోయారు. ఇక సినిమాలోని సాంగ్స్ కూడా బాగా హిట్ అయ్యాయి.
శ్రీవల్లి సాంగ్ అయితే బాగా వైరల్ అయింది. ఈ సాంగ్, ఇందులోని స్టెప్స్ సోషల్ మీడియాలో రీల్స్ రూపంలో వైరల్ అయ్యాయి. నార్త్ లో ఈ పాట బాగా హిట్ అయింది. యూట్యూబ్ లో కూడా శ్రీవల్లి సాంగ్ రికార్డ్స్ క్రియేట్ చేసింది.
చాలా మంది ఈ పాటకి కవర్స్ సాంగ్స్ కూడా చేశారు. సెలబ్రిటీలు సైతం ఈ పాటకి రీల్స్ చేశారు. తాజాగా ముంబై పోలీసులు కూడా 'పుష్ప' సినిమాలోని శ్రీవల్లి సాంగ్ ని రీక్రియేషన్ చేశారు.
Mumbai Police
ముంబై పోలీసుల్లో స్పెషల్ ట్యాలెంట్ ఉన్న కొంతమందితో 'ఖాకీ స్టూడియో' అనే మ్యూజిక్ బ్యాండ్ ని ఏర్పాటు చేశారు. తాజాగా ఈ ఖాకి స్టూడియోలో ఉన్న పోలీసులు 'పుష్ప' సినిమాలోని శ్రీవల్లి సాంగ్‌ని తమ వాయిద్య పరికరాలతో వినిపించారు.
ఈ మ్యూజిక్ బ్యాండ్ వాయించిన శ్రీవల్లి సాంగ్ ని తమ అధికారిక ముంబై పోలీసుల యూట్యూబ్ ఛానల్ లో అప్లోడ్ చేశారు. అంతే కాక ముంబై పోలీస్ అధికారిక ట్విట్టర్ పేజీలో షేర్ చేసింది. ఈ పాటని మా ఖాకీ స్టూడియో ద్వారా అందరికి వినిపించాలనుకుంటున్నాము' అని పోస్ట్ చేశారు.
ముంబై పోలీసులు ఎంతో అద్భుతంగా శ్రీవల్లి పాటని వాయించారు. ఇది చూసిన వారంతా పోలీసులని అభినందిస్తున్నారు. ఇక అల్లు అర్జున్ అభిమానులు అయితే ఈ వీడియోని విపరీతంగా షేర్ చేస్తూ వైరల్ చేస్తున్నారు.