బాలనటిగా, యువనటిగా, ప్రౌఢనటిగా కొన్నితరాలను అలరించిన శ్రీదేవి మరణం నమ్మలేని నిజంగా మిగిలిపోనుంది. ఎదిగే కూతుళ్ల ఆలనాపాలనా చూసుకోవాలని మురిసిపోయిన శ్రీదేవి శనివారం రాత్రి దుబాయ్‌లో తన మేనల్లుడి వివాహానికి హాజరై హోటల్ గదిలో కుప్పకూలిపోయి ప్రాణాలు విడిచింది. ఒక్కసారిగా తీవ్రమైన గుండెపోటు రావడంతో ఆమె చనిపోయారు.
అయితే, ఈ 'అతిలోకసుందరి' నటించిన చిత్రాల్లోని అనేక గీతాలు ఎప్పటికీ ప్రేక్షకుల్ని అలరిస్తూనే ఉంటాయి. ఈ పాటలు ఉన్నంతకాలం ఆమె ప్రతి ఒక్కరి మనసుల్లో చిరస్థాయిగా గూడుకట్టుకునివుంటారు. శ్రీదేవి అనే నటి ఒకరున్నారనీ గుర్తుకొస్తే ఎన్నో మరపురాని గీతాలు మస్తిష్కంలో కదలాడుతుంటాయి. శ్రీదేవి నటించిన తెలుగు చిత్రాల్లో అమితంగా జనాదరణ పొందిన కొన్ని గీతాలివి..